A cita será no Teatro Principal de Ponte Vedra, às 20:30, e incluirá umha homenagem à Revolução dos Cravos. As assistentes poderám desfrutar, também, da obra de teatro Negra! Ensaio sobre o auto-ódio (nom é recomendável para crianças).A entrada será de balde.
O Quilombo, nova associaçom cultural em Ponte Vedra
Os quilombos eram os refúgios das escravas fugidas no Brasil, desde onde se organizavam e lanzavam operaçons para libertar novas escravas. Acolhemos este nome como umha homenagem à irmandade e à liberdade humana, e como um ponto de uniom cum país co que compartimos língua.Além de organizar atividades culturais, lúdicas e desportivas, colaboraremos cos movimentos sociais e populares da cidade. Apostamos na abertura dum centro social como meio para levar avante os nossos objetivos.
Princípios e objetivos
- Cultura popular. Nom apostamos na indústria cultural, na competitividade ou no consumismo, mas sim na colaboraçom, na tradiçom, na criaçom e na aprendizagem coletiva.
- Conhecimento, defensa e posta em valor do nosso patrimonio natural e cultural.
- Defensa do direito de autodeterminaçom para a Galiza. É impossível acadar a plena normalizaçom linguística sem soberania.
- Internacionalismo.
- Luta contra o patriarcado e defensa da liberdade sexual e de género.
- Fomento de atividades e de estilos de vida saudáveis. A saúde física e mental é um bem individual e coletivo que cumpre cultivar e defender.
- Fomento do consumo local e ecológico.