Read this new in English: Diário Liberdade, now in English

O novo espaço estará num micro-espaço dentro do site geral do Diário Liberdade (https://gz.diarioliberdade.org/in-english.html) e tenciona atingir umha audiência global de cerca de 400 milhons de falantes distribuidos por todo o planeta - embora nom sendo a de maior número de falantes, a língua inglesa funciona hoje como umha verdadeira língua franca. O que o Diário Liberdade desenvolve com esta nova ferramenta é umha estratégia para ir além do mundo lusófono, atingido audiência doutros países e realidades culturais.

O espaço no recolherá publicaçons de forma diária. A sua principal capacidade será a de destacar e promover a internacionalizaçom de um conjunto de conteúdos que poderíam ser considerados de especial interesse devido ao ámbito abordado, qualidade ou outras caraterísticas. A intençom do Coletivo Editor é espalhar notícias de atualidade e análises sob um ponto de vista progressista, especialmente aqueles referentes aos países de fala galego-portuguesa.

Como para qualquer outra categoria do Diário Liberdade, o Coletivo Editor enfatiza que o portal está aberto às colaboraçons de leitoras/es e coletivos. Nom é requerida qualquer experiência ou formaçom específica, e a equipa da Associaçom Cultural Diário Liberdade (que suporta a iniciativa) ajudará e dará orientaçom. Para saber mais, escreve para Este endereço de email está sendo protegido de spambots. Você precisa do JavaScript ativado para vê-lo.

Enrique Ubieta: a Guerra Cultural

Já a partir de manhá (02/01), o Diário Liberdade fornecerá o seu primeiro conteúdo em inglês: umha entrevista com o filósofo Enrique Ubieta, através da qual o também diretor de Cuba Socialista - revista de pensamento do Partido Comunista de Cuba - explicar-nos-á o que é a Guerra Cultural, qual o horizonte para Cuba e o que o povo cubano está a fazer para manter a revoluçom em andamento.

A entrevista será publicada também em vídeo com legendas em galego.