Publicidade

Diário Liberdade
Sábado, 29 Julho 2017 18:55

A estratégia do medo frente ao resgate dos parques de bombeiras/os privatizados

Avalie este item
(0 votos)
País: Galiza / Laboral/Economia / Fonte: MIBG

Esta semana asistimos, trala xuntanza mantida entre representantes das Deputacións de A Coruña, Lugo e Pontevedra co Vicepresidente da Xunta, Alfonso Rueda, a unha nova confirmación de que estas tres Deputacións avogan pola xestión directa dos servizos de bombeiros comarcais de Galicia.

Pero unha vez mais na MIBG perceben "a hipocrisía coa que esta a tratar este asunto o señor Alfonso Rueda". O creador do sistema de xestión privada dun servizo esencial para a cidadanía volve facer declaracións co único obxectivo de amedrentar aos traballadores e traballadoras que levan anos sufrindo o xugo e as condicións da xestión das empresas privadas, que se lucran a mans cheas de concesións nas que prevalece o interese económico sobre a calidade e eficiencia.

Esta estratexia do medo non é nova por parte da Xunta. Dende que se iniciou o proceso de reversión da xestión do servizo os bombeiros comarcais reciben mensaxes directa ou indirectamente de que quedaran sen posto de traballo e que seria mellor unha suba salarial e non alterar o modelo.

Se isto fose así, por que o señor Rueda pon de condicionante que a xestión directa non custe mais cartos ás arcas públicas? É mais inexplicable aínda tendo en conta que na recente concesión dos parques comarcais do Consorcio de Ourense se adxudicou unha partida de cartos o suficientemente alta como para que os bombeiros cobren 3000 euros brutos anuais mais que os compañeiros doutros Consorcios. "Agardamos que o feito de que goberne o seu compañeiro de partido na Deputación de Ourense non tivese influído nesa diferencia de trato, nin en que a aportación da Xunta nesa provincia sexa do 60%, fronte ao 50% das demais", comentan na MIBG.

Eríxense tamén como “defensores” dos dereitos dos traballadores, esixindo a garantía dos postos de traballo dos bombeiros e bombeiras. Obvian cinicamente que tal garantía sería contraria á lei, en tanto no acceso á función pública debe garantirse sempre a igualdade, mérito e capacidade. Non lles preocupou tal estabilidade cando as empresas expedientaron ou despediron a compañeiros de modo arbitrario, nin lles preocupa o futuro dos actuais traballadores que se poderán ver abocados a despedimentos obxectivos cando por idade a empresa considere que non son “produtivos”. Non lles preocupa que, ao contrario do resto do colectivo, os bombeiros de xestión privada teñan que xubilarse aos 65 ou 67 anos. Nin lles interesa advertir que no modelo de xestión indirecta nun cambio de concesión a priori nada forza a que se obrigue á empresa adxudicataria á subrogación do 100% do persoal.

Non son ignorantes, polo tanto saben perfectamente o que a lei establece, pero adoptan unha actitude farisea, tentando amedrentar ao colectivo e facendo declaracións alarmistas e confusas. Neste proceso a Xunta adopta unha actitude neutral e falsamente conciliadora para evitar asumir responsabilidades ao tempo que buscan o fracaso do cambio de modelo dun servizo esencial para a cidadanía. Debaixo desa actitude de “borreguiño” atopamos os dentes do lobo da privatización.

Prefiren poñer a pelota no tellado dos mais débiles a base de medo e inquedanzas, sabendo sobradamente que se pode seguir un proceso dentro da estrita legalidade que teña suficientes garantías para que os traballadores vexan valorados os méritos e capacidades obtidos ao longo de ata 14 anos de servizo e os poidan facer valer. Non só é posible, senón que a mesma Xunta ten acometido regularizacións similares (moitas veces mais cuestionables que o que neste caso se está a traballar), e contaría non só coa xustificación legal, senón que cumpriría cos criterios de eficacia e eficiencia que todo servizo público debe respectar, ao facer o proceso de cambio o menos disruptivo posible.

Da MIBG convidan o Señor Rueda cando queira a debater abertamente cos membros da Mesa Intersindical de Bombeiros de Galicia todos os aspectos referentes a este proceso e que remataría de verdade coas verdadeiras inquedanzas do colectivo e dos cidadáns.

Dende a Mesa Intersindical de Bombeiros de Galicia defenden e impulsan o cambio de xestión dos servizos e emerxencias privatizados, por ser mais eficiente e xusto para a cidadanía, mais adaptable ás necesidades futuras e mais social, pero tamén e sen ningunha dúbida, mais xusto e garantista para os propios traballadores que poñen a súa vida a disposición da defensa dos demais. "Facémolo de forma transparente e honesta, sen caer na mentira de prometer ou esixir ilegalidades, pero sen admitir tampouco a hipocrisía de quenes venden estar do lado dos traballadores á luz do día mentres na sombra manipulan e artellan para defender os intereses privados fronte ao ben xeral."

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar