Publicidade

Diário Liberdade
Sexta, 07 Dezembro 2018 19:09 Última modificação em Sábado, 15 Dezembro 2018 18:37

O Apalpador chega em poucos dias a Compostela

Avalie este item
(1 Voto)
País: Galiza / Cultura/Música / Fonte: Semente Compostela

A Escola de Ensino Galego Semente de Compostela lança nas redes sociais a campanha "Já vem o Apalpador!" com dous vídeos, umha obra de títeres, cartazes e folhetos informativos.

A Semente apresenta neste mês de dezembro, com a colaboraçom do Concelho de Compostela, um projeto de animaçom e socializaçom da figura infantil do Apalpador, para fomentar a participaçom da cidadania na visibilizaçom do gigante do Courel.

O Apalpador é um dos seres fantásticos mais importantes do nosso imaginário coletivo infantil. Desde que há menos de dez anos se deu a conhecer -impulsionado em Compostela polo Centro Social do Pichel- o Apalpador passou de ser umha figura quase inédita, um objeto da etnografia galega, a ser um dos principais referentes culturais da infáncia, presente em incontáveis colégios, associaçons e animaçons culturais de todo o país.

O Carvoeiro Apalpador, que está ligado à tradiçom do natal, representa umha figura mítica e mágica que baixa do Courel a noite do solstício de inverno -em 24 de dezembro- e visita as crianças, deixando-lhes umha presa de castanhas e eventualmente algum presente, desejando um ano cheio de fartura e felicidade, apalpando-lhes a barriguinha murmurando “Assim estejas todo o ano”

Um projeto cidadám coletivo

Nos últimos anos som muitos os projetos que se estám a pôr em marcha para recuperar festas tradicionais galegas vigentes até há poucas décadas, e hoje em risco de desapariçom em favor doutras importadas de culturas dominantes através dos meios de comunicaçom e as industrias culturais. Alguns exemplos destas festas próprias da cultura galega que hoje se estám tentando recuperar incluem os Maios, o Samain e, com certeza, o Apalpador.

A Semente leva seis anos a organizar a Ruada do Apalpador em Compostela. Este ano apresenta este projeto para difundir a figura do Apalpador e criar um processo de dinamizaçom da fantasia entre as crianças de Compostela, com repercussom no resto do país.

Ademais, neste projeto coloca-se a língua galega como um dos temas centrais da campanha, com o objetivo de melhorar as atitudes linguísticas e fomentar o uso do galego entre as crianças nom galego-falantes habituais.

Atividades nos dias prévios

Este projeto tem como objetivo dinamizar as semanas prévias à Ruada do Apalpador com diferentes intervençons dirigidas a convocar a participaçom das famílias na Ruada do Apalpador, na tarde de 21 de dezembro.

Estas intervençons som visitas do Apalpador aos Centros Cívicos de Compostela, entre os dias 12 e o 20, acompanhadas dumha obra de títeres, “A nena e o Apalpador”, da companhia "A xanela do maxín". Ademais, este ano a Semente apresenta a Cançom do Apalpador, interpretada por Luís Vallecillo, através dum videoclip gravado no Courel em cuja realizaçom participárom mais de 20 artistas.

Além disto, na semana prévia as redes sociais recibirám o vídeo "O Apalpador sai do Courel", um pequeno vídeo informativo dando a notícia de que o Carvoeiro sai dos soutos do Courel e se dirige a repartir os presentes por Compostela e o resto do país.

O 21, a Ruada do Apalpador

A ruada do Apalpador supóm um intento de introduzir no ámbito urbano umha celebraçom própria da nossa cultura e oferecer assi umha alternativa a outras tradiçons de origem foránea que vam substituindo progressivamente os costumes galegos. Ao mesmo tempo, esta atividade supom umha oportunidade para as famílias da cidade se conhecerem, gozarem juntas e estabelecerem laços entre elas, e reforçar deste jeito o tecido social da comunidade.

A Semente, um projeto autogerido

A Semente é umha associaçom sem ânimo de lucro que impulsa um projeto de imersom linguística que conta com três centros educativos em Compostela, dous centros de 2 a 6 anos e um centro de ensino primário. A Semente é  um projeto educativo autogerido e sem ánimo de lucro, que toma o seu nome das Escolas de Ensino Galego criadas a começos do século XX polas Irmandades da Fala. Atualmente há Sementes em Vigo, Trasancos, Lugo e há ativistas a organizarem-se para abrir Sementes em Ames, a Corunha, Ourense  e Pontevedra.

Mais informaçom e fotos: https://www.facebook.com/Semente-Compostela-1079111455507404/

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar