Publicidade

Diário Liberdade
Quarta, 20 Julho 2016 18:29 Última modificação em Domingo, 24 Julho 2016 13:23

Centenário das Irmandades da Fala é o centro do XXX Festival da Poesia no Condado Destaque

Avalie este item
(0 votos)
País: Galiza / Resenhas, Língua/Educaçom, Cultura/Música / Fonte: SCD Condado

Será na fim-de-semana do 2 e 3 de setembro em Salvaterra de Minho. Amplia-se a programaçom poética com recitais durante todo o sábado.

O Centenário das Irmandades da Fala é o tema ao que está dedicado o XXX Festival da Poesia no Condado, que vai ter lugar em Salvaterra de Minho na primeira fim-de-semana de setembro. A Sociedade Cultural e Desportiva (SCD) do Condado vem de pechar um programa dedicado à primeira organizaçom nacionalista galega e no que a poesia vai ser ainda mais protagonista.

A SCD toma o exemplo das Irmandades ao assumir o monolingüismo em galego e homenageia a trajectória progressista e irmandinha destas agrupaçons, assi como a sua resistência depois da guerra civil espanhola. As Irmandades da Fala vam estar presentes através da poesia, o teatro, o cartel e o desenho, num programa ateigado de propostas culturais para a sexta-feira, dia 2, e o sábado, 3 de setembro.

Noite nas Minas

O XXX Festival da Poesia começa na sexta-feira, 2 de setembro, ás 20:00, com a apertura de exposiçons. Apresenta-se a mostra de fotografias ‘Infinito’, de Daniel Pérez, os ‘Debuxos de negros’ de Castelao (numha colecçom decida pola Editorial Galaxia) e os paineis ‘100 anos. Irmandade da Fala de Compostela’.

Algo mais cedo que outros anos, às 20:30, arrinca a Noite nas Minas. Recitará, acompanhada dum guitarrista, a poeta Rochi Nóvoa, e dará paso à cantora Sofía Espiñeira. Esta é a única actividade de pagamento do festival; as entradas custam 10 euros (8 para pessoas desempregadas) e podem reservar-se chamado ao 671 200 160 ou escrevendo a Este endereço de email está sendo protegido de spambots. Você precisa do JavaScript ativado para vê-lo.. À saída vai-se servir o tradicional caldo verde e sucederam-se as actuaçons de O Puto Coro do Exército Froilanista e Ronco&foll, e a sessom DJ de Espalda Kemada.

Jornada de poesia

O XXX Festival da Poesia incorpora durante a jornada do sábado mais recitais em diferentes espaços e modalidades. O programa começa às 12:00 coa abordagem poética no comboio de baixa velocidade, que vai percorrer as ruas de Salvaterra desde as 11:30 da manhá. No comboio, e fazendo ruada, vai-se poder ver de novo a Ronco&foll. A abordagem vai-se repetir no campo da festa desde as 19:00.

Durante a manhá também vai abrir a Feira de colectivos e artesanato (desde as 11:30) e a Liga Nacional de Billarda organiza, um ano mais, o Aberto da Poesia  (também desde as 11:30).

A sessom vermute vai estar cheia de actividades: Raquel Castro vai apresentar o seu libro ‘As terapias da doutora Ledicia’ (desde as 13:00) e às 13:30 intervenhem KNeves no Autoblues Chicago-Fornelos apresentando o espectáculo 'Servizo discrecional'. A sessom vermute continua até a hora do jantar com Ronco&foll.

A poesia volta às 18:00. No posto da organizaçom, os e as poetas convidadas ao Festival estarám umha hora ao dispor das pessoas asistentes para assinar livros, especialmente a Antologia Poetica que a SCD edita cada ano.

Às 19:00. Antía Otero & Isaac Garabatos apresentam 'Varia' nas Covas de Dona Urraca, e, ao rematarem, os membros do colectivo Xuventude Imbécil farám outro recital no campo da festa.

Os conteúdos poéticos péchamse na tardinha, à hora do Festival Poético e Musical, no que vam estar Emma Pedreira, Mário J. Herrero, Rui Spranger, Ana Romaní, Aurora Boreal, Oriana Méndez, Jesús Castro, Manolo Pipas, Lara Dopazo e Antón Blanco.

Mais actividades na tarde do sábado

A SCD do Condado nom abandona outras actividades tradicionais do Festival, como a Festa Infantil, que leva por título ‘Cóxegas’ (busca do tesouro), e começa às 17:00. Para as pessoas adultas, à mesma hora haverá umha sessom de cinema com a projeçom de umha selecçom das curtas premiadas no Festival de Cans e de 'Mans Mortas', de Daniel Pérez e Adrián González.

As Irmandades da Fala também vam estar presentes a través de umha repressentaçom teatral. A comanhia Limiar Teatro traerá, desde as 18:00, às Covas de Dona Urraca, ‘A lingua na boca. Letras, riscos e pensamentos de Castelao’.

O Festival remata, mas também começa, às 20:30, com o Festival Poético e Musical que apresenta Xurxo Souto. Ademais das intervençons poéticas sinaladas, Xurxo Martínez vai ler o limiar sobre o Centerário das Irmandades da Fala que escribiu para a antologia poética do XXX Festival, e sucederam-se as actuaçons de Zurrumalla, Sokram e Familia Caamagno, para finalizar com a sessom DJ de Selecta Alice.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar