Publicidade

Diário Liberdade
Quarta, 11 Mai 2016 02:34 Última modificação em Quinta, 12 Mai 2016 23:59

Barragem com lama tóxica ameaça a ria de Muros-Noia

Avalie este item
(0 votos)
País: Galiza / Consumo e meio natural / Fonte: ContraMINAcción

Ten unha superficie de 5 hectáreas de refugallos contidas por un deteriorado encoro de formigón con máis de 100 anos.

A pasada fin de semana, unha comitiva da Plataforma contraMINAcción viaxou a Lousame para estudar in situ o alcance dos danos causados polo incendio intencionado que arrasou 9 hectáreas do Monte Veciñal en Man Común de Froxán o 1 de maio de 2016. Nesta visita, puidemos comprobar como o incendio atravesou un camiño en até catro puntos, sendo extinguido a tempo (o primeiro deles grazas tamén á presenza de frondosas que ralentizaron o seu avance) e evitando así que queimase a maior parte do monte e chegase ás casas da aldea.

Aproveitaron a visita para constatar a existencia de numerosos pozos e vetas abertas abandonadas producidas pola actividade mineira nos montes veciñais de Froxán e da Feosa (denominados localmente “choios”). Como adoita acontecer, as mineiras deixaron todo abandonado e tivo que ser a propia veciñanza a que levou a cabo os labores de restauración dalgúns deses buracos, os de menor tamaño, sen axuda das administracións ou das empresas concesionarias responsábeis. Verificouse, contodo, o risco que ainda supoñen estes pozos e vetas abertas e advertiron o perigoso que resulta transitar por esta zona por fóra dos camiños.

A delegación de ContraMINAcción tamén comprobou a expansión da ocupación de parcelas de monte veciñal que a empresa concesionaria da mina vén realizando nos últimos anos, incluíndo a invasión de monte con cascallos e balsas de lixiviados no caso da comunidade da Feosa; e da instalación dun portalón e reixado no acceso a unha das parcelas do monte de Froxán.

Forte contaminación do río San Fins e balsa con 5 hectáreas de lodos tóxicos

Ao longo de todo o perímetro das escombreiras prodúcese un lixiviado constante dos materiais expostos á intemperie e ao arrastre da chuvia que decanta directamente no río San Fins. As augas fluviais do río San Fins, que desprenden este forte cheiro, continúan o seu curso sen ningunha clase de tratamento.

É notorio en toda a zona fluvial próxima á mina un forte fedor químico. Río abaixo das instalacións da mina de San Fins, existe unha inmensa balsa de lodos tóxicos que ocupa unhas 5 hectáreas contida por un dique de formigón fabricado hai mais de 100 anos e que se encontra en pésimo estado. De ContraMINAcción quedaron moi preocupados polas consecuencias potenciais da rotura deste dique. Unha catástrofe así afectaría a toda a actividade marisqueira da ría de Muros e Noia, entre outras das moitas consecuencias ambientais que acarrearía.

Ninguén repara a desfeita ao tempo que o concello desbalde cartos en promover a “natureza mineira” de Lousame

En conclusión, comprobaron os danos do incendio intencionado no MVMC de Froxán, atentando que volven a condenar rotundamente, esperando que sexan detidas, investigadas e no seu caso xulgadas as persoas responsábeis. Tamén verificaron os estragos que causa a actividade mineira na zona, moi lonxe de calquera romanticismo que promove con diñeiro público o Concello de Lousame sen facer as correspondentes comprobacións. Todo fai pensar que as labores mineiras presentes e pasadas e as ameazas e o desastre ambiental que as acompaña non son aparentemente sometidos ao suficiente rigor de inspección por parte das administracións públicas. 

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar