Mostrando itens por tag: Cineclube

O Cineclube de Compostela comeza este mércores 12 de outubro a súa programación regular con dous filmes da primeira etapa do recentemente falecido Abbas Kiarostami: a curtametraxe Dúas solucións para un problema (دو راه حل برای يک مسئله ‎‎[Dow Rahehal Baraye yek Massaleh], Irán, 1975) e a longametraxe O viaxeiro (مسافر [Mosāfer], Irán, 1974). A proxección terá lugar, como é habitual, no CS O Pichel (Santa Clara, 21) a partir das 21:30 horas.

O Cineclube de Compostela remata o seu ciclo sobre acontecementos históricos no Máxreq ou Oriente Medio coa proxección, este mércores 18 de maio, de Leccións de escuridade (Lektionen in Finsternis, Alemaña-Francia-Reino Unido, 1992), unha exploración de Werner Herzog dos pozos de petróleo queimados no Kuwait da Primeira Guerra do Golfo. Xunto con este filme poderemos ver tamén a curtametraxe Cobra Mist (Cobra Mist, Reino Unido, 2008), de Emily Richardson. A proxección terá lugar, como é habitual, no CS O Pichel (Santa Clara, 21) a partir das 21:30 horas.