Na sexta-feira 17 de fevereiro aportará na Fundaçom Artábria o ator Luis Zahera para oferecer ao público o monólogo "Chungo", um espetáculo em que explica as suas vivências como ator e a trajetória que o foi levando a interpretar papeis "de raro, de nom muito listo". O preço do bilhete anticipado, que já se pode comprar no Centro Social, e para pessoas associadas é de 4 euros e e em bilheteira de 6 euros. A atuaçom está marcada para as 23.00hs.

No sábado 18, às 19hs, decorrerá um novo atelier infantil de manualidades criativas. Desta volta as crianças aprenderám a fazer disfarces de entruido. A atividade que será ministrada por Lara Soto e Begonha Painceiras está destinada a nenas e nenos a partir de 6 anos. É precisa inscriçom prévia, que é gratuíta, e o límite de prazas é de 20.

Também no sábado decorrerá a primeira ediçom do Concurso Ártabro de elaboraçom de Freixós. As bases estám disponíveis no site da Artábria e a inscriçom é gratuita.