Publicidade

Diário Liberdade
Segunda, 06 Março 2017 11:12 Última modificação em Quinta, 09 Março 2017 14:02

Fundaçom Artábria homenageará Carvalho Calero, entre muitas outras atividades para março

Avalie este item
(0 votos)
País: Galiza / Resenhas / Fonte: Diário Liberdade

Na passada sexta-feira começou o programa de atividades que a Fundaçom Artábria tem agendadas para este mês de março.

Um completo programa que contará com audiovisual, fotografia, teatro, música, apresentaçom de livros, luso gastronomia, atividades para crianças e a celebraçom do Sam Martinho de Dume. Aliás como todos os anos, no mês de março, rendirám homenagem à figura de Ricardo Carvalho Calero.

Neste fim de semana que terminou, a Artábria dinamizou o palco cultural ferrolano com a projeçom do documentário "Entrar aos Vilares", a inauguraçom da exibiçom do fotógrafo ferrolano Gabriel Tizón "Refuxiados son persoas", que compreende 9 imagens tomadas em 9 Estados europeios sobre o tratamento da Uniom Europeia com as pessoas chamadas "refugiadas", e, ainda, o teatro da Companhia Teatral do Pichel para apresentar "Agorafobia, parálise sobre o medo", dirigido por Zé Paredes.

Depois dessas atividades, já no 10 de março, após a manifestaçom do Dia da Classe Obreira Galega, haverá petiscos no Centro Social.

Sábado 11 de março, organizado polo coletivo eumês Punktedeume Army chegám a Ferrol os vigueses Keltoi! e os composteláns Os Novos. Keltoi! é nau almirante do Oi! e punk-rock de Galiza, toda umha referência no palco. 21 anos nos e continuam avante. No seu primeiro concerto em Ferrol os vigueses apresentam o seu último trabalho "Sons da Rúa". Já Os Novos som umha banda compostelana de punk cujos integrantes tenhem umha alargada carreira em grupos como os Samesugas, Redulhos ou Madame Germem. O preço do bilhete é de 6 euros. Também há opçom de comprá-lo junto do último trabalho de Keltoi! por 12 euros.

Na sexta-feira 17 de março decorrerá a apresentaçom do projeto "Bolcheviques: 1917-2017". "Bolxeviques 1917-2017". Coordenado pola escritora Teresa Moure e editado por Xerais e Através editora. Um livro coletivo no que participam 23 autores e autoras. Na apresentaçom, para além da coordenadora, estarám a sindicalista Marga Corral e o historiador Eliseo Fernández.

Já no sábado 18, polo terceiro ano consecutivo celebra-se desde as 21.30hs o Sam Martinhos´s Day com mais umha festa suevo-irlandesa. Nos últimos anos estendeu-se por todo o mundo, ajudada polo interesse comercial dumha conhecida marca de cerveja, a celebraçom irlandesa do Sam Patrício. Pois bem, a casualidade favoreceu que exista um forte paralelismo entre a vida do santo padroeiro da Irlanda e um outro santo que, embora bastante desconhecido, tivo umha importáncia na História Galega, Sam Martinho de Dume. Sam Patrício foi o evangelizador da Irlanda, lá polo século V da nossa era, e Sam Martinho cumpriu um papel semelhante na Galiza do século VI, o que lhe permitiu passar à história coma o apóstolo dos e das suevas. Curiosamente, as datas em que se comemoram as festividades de ambos santos están muito próximas no calendário, 17 e 20 de março respetivamente. A proposta é aproveitar a vontade de festa do pessoal e, já que vamos celebrar Sam Patrício, aproveitemos para celebrar também a nossa suevicidade. E nom, nom pensedes que na Fundaçom Artábria deixam de ser laicas e laicos, nom. A ideia é celebrar e reivindicar a suevicidade, nom o Sam Martinho em si. De facto, um dos contributos fundamentais do bispo de Dume foi a redaçom dum texto conhecido como o "De correctione rusticorum", onde se indicavam e condenavam muitos dos costumes pouco cristaos que os e as nossas antepassadas praticavam. Costumes que da Artábria encorajam a recuperar, porque, "entre nós, Sam Martinho era um pouco reaça". A festa suevo-irlandesa contará com cerveja das duas naçons, "suevitos quentes" e o concerto de "O Puto Coro do Exército Froilanista" e os Porcoteixos. Após os concertos haverá foliada, e da Artábria convidam a levar instrumentos. O concerto dará início às 22.30hs e a entrada é de graça.

No dia 24 de março, e organizado pola Associação Cultural O Beco da Língua decorrerá umha nova ediçom das luso-paparocas, desta volta poder-se-á experimentar algum prato típico de Moçambique. O preço da ementa será de 12 euros, 10 euros se estás associada ou associado ao Beco ou da Fundaçom Artábria.

No 25 de março, coincidindo com o 27º aniversário do passamento do ilustre ferrolano Ricardo Carvalho Calero a Fundaçom Artábria realizará, mais um ano, umha homenagem diante das ruínas da sua casa natal em Ferrol Velho. O ato começará polas 12.30h e o programa ainda esta por fechar, mas antecipam que haverá música, poesía e intervençons.

Esse mesmo dia, 25 de março, Sanjurjo e Dopico 5.0 apresentarám o seu novo projeto na Fundaçom Artábria. O concerto começará polas 22.00hs e o preço do bilhete é de 3 euros.

Fecharám as atividades de março na sexta-feira 31 às 19hs com um atelier infantil de repostaria criativa ministrado por Maru Alonso, onde aprenderám a fazer rosquilhas. Precisa-se de inscriçom prévia gratuita e há límite de assistência para 15 crianças. A atividade está programa para nenos e nenas a partir dos 4 anos. Para inscriçom, deve-se solicitar informaçom à Fundaçom Artábria.

Com informaçons da Fundaçom Artábria.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar