"Em galego sem limites" foi o rótulo escolhido pola principal entidade convocante, "Queremos Galego", para esta mobilizaçom, que é apoiada por numerosos coletivos da mais variada filiaçom ideológica, ligados pola reivindicaçom do galego como língua principal da Galiza.
Contra a política lingüicida dos governos espanhóis contra a Galiza, setores da sociedade civil conscientizados com a condiçom e os direitos lingüísticos galegos voltárom a mostrar nas ruas da capital galega umha significativa capacidade mobilizadora. Forças do soberanismo galego de esquerda, independentistas, defensoras da unidade lingüística galego-luso-brasileira (reintegracionismo), e mesmo setores do espanholismo "brando", favoráveis a um maior respeito polo galego, somárom forças este 17 de maio em Compostela frente ao Governo autonómico do PP, principal responsável pola dramática situaçom social do galego.
Coletivos de maes e pais de alunos/as (AMPAS), sindicatos de ensino (CIG, STEG), juvenis (Briga, Isca!, Galiza Nova...), centros sociais, coletivos culturais, de trabalhadoras/es da dobragem, organizaçons políticas (Causa Galiza, Agora Galiza, BNG, Izquierda Unida, Em Maré...), coletivos em defesa da unidade lingüística galego-luso-brasileira (AEG, AGAL...), escolas comunitárias (Semente), entidades desportivas (Liga Gallaecia...), estudantis (Erguer, Acçom Universitária...) e um longo etcétera de coletivos de todo o tipo aderírom à convocatória. Também caras conhecidas do mundo do espetáculo e da cultura, que tomárom a palavra no ato final, junto ao presidente de Queremos Galego, Marcos Maceira.
O Diário Liberdade aderiu, como em anos anteriores, ao Bloco Reintegracionista, que agrupou 15 coletivos locais e nacionais que trabalham em ámbitos diversos para defender a língua da Galiza como parte do amplo espaço internacional galego-luso-brasileiro e contra a ideologia isolacionista das instituiçons oficiais espanholas na Galiza.
Clicando na imagem a seguir, podes aceder a umha galeria de imagens da mobilizaçom (as fotos fôrom feitas polo Diário Liberdade: como sempre, livre reproduçom citando a fonte):
