A tala numha parcela de eucaliptos na zona dos Moinhos do Batám, à beira do Rio Abelheira, tem conduzido à destruçom de pistas, a danos paisagísticos e, o que provavelmente seja mais grave, à queda de material no rio. Está a ser empregada maquinária florestal de grandes dimensons, segundo denuncia o BNG-Assambleas Abertas em contato com o Diário Liberdade.

Cumpre lembrar que todo o território de Carral fai parte da Reserva da Biosfera das Marinhas Corunhesas e Terras do Mandeu, e que a Cámara Municipal de Carral já solicitou para o rio Abelheira, agora afetado pola destrutiva intervençom, a declaraçom de Espaço Natural de Interesse Local (ENIL) - categoria já aprovada de forma provisória.

O BNG de Carral explica que esse tipo de atuaçons nom tenhem "a publicidade oportuna" e que falta "umha normativa que obrigue a identificar a propriedade da parcela, a empresa que fai os trabalhos" e "o tipo de autorizaçom solicitada".