O depósito de animais de Ordes, de dependência local, está desde fai tempo numha situaçom de saturaçom, que implicará a necessidade de sacrifício de animais, segundo explicam da Associaçom. Perante esta possibilidade, o coletivo está a promover diferentes atividades encaminhadas a evitar os sacrifícios.
Na jornada de portas abertas de hoje, receber-se-á a todo o mundo que se achegue. A intençom nom é outra que "aumentar as possibilidades de adopçom ou abrigo" dos animais do depósito.
O coletivo quer aproveitar para difundir informaçons sobre a problemática dos abandonos e sobre as responsabilidades legais derivadas dos mesmos e, em geral, dos maus tratos contra os animais.
O horário da jornada é de 10:00h a 20:00h, e o depósito municipal de animais está no polígono industrial de Ordes, a carom do Parque de Bombeiros e Bombeiras.