Diversión, música e o feito de rachar co binarismo e a sociedade patriarcal. Estes son algúns dos ingredientes do espectáculo de Drag Kings que terá lugar hoxe xoves no Centro Social Autoxestionado A Comuna (Verea do Polvorín, 35) a partires das 20.00 horas.

As drag kings son mulleres que realizan performances vestidas de homes. Nestes espectáculos se amosan estereotipos masculinos e machistas para pór de manifesto o ridículo dos roles aceptados da masculinidade dentro da sociedade. Normalmente estes espectáculos están considerados subversivos per se xa que constitúen un reto aos marcos existentes da identidade de xénero. As drag kings non se limitan a vestirse de homes senón que incorporan un elemento de parodia e expoñen a teatralidade do seu acto de xeito consciente e esaxerado.

Durante o pasado mes, realizamos unha serie de eventos agrupados baixo o título Transrevolucións e Outros Activismos Descontroladosno que xa contamos coa participación dos drag kings para a festa de peche. Agora ofrecemos unha segunda oportunidade para poder divertirse coa súa performance.