Na anterior ediçom a organizaçom conseguiu produzir um evento musical e cultural ao que assistirom quase 2,000 pessoas. Este ano alargam um dia a programaçom. Poder-se-á nom só dançar ao som das nossas cançons preferidas no cenário principal, mas haverá também a apresentaçom de vários documentários, charlas, feira de postos, sessom vermú, circo, campismo… Os objetivos desta ediçom som, em palavras das pessoas organizadoras, "solidariedade, o fortalecimento dos movimentos sociais do país e ter muita muita festa".

Concurso Suso Vaamonde para apoiar os movimentos sociais

Como novidade, este ano está vinculada ao festival a Convocatória do primeiro Concurso Suso Vaamonde em honor ao senlheiro compositor e cantautor. Neste Concurso, ao que irám destinados 25% dos benefícios totais do Festival, poderám participar todas aquelas organizaçons, entidades e coletivos sociais do País sem fins lucrativos, que precisarem de ajuda na autogestom dos seus projetos, e que serám escolhidos por votaçom telemática. O intuito é envolver, aos poucos, os coletivos sociais do País no festival e, adicionalmente, angariar fondos para os movimentos sociais.