O evento terá lugar, como é habitual, na Praça de Sam Bieito da Guarda. Toda pessoa que o deseje pode reservar um posto escrevendo a Este endereço de email está sendo protegido de spambots. Você precisa do JavaScript ativado para vê-lo. ou chamando ao 678164978.

Esta feira pretende ser umha oportunidade para dar-lhe umha saída a todos esses objectos que nom utilizamos, e que em moitas ocasons nem nos lembramos da sua existência. Permitindo o seu usso por outra pessoa, evitamos a fabricaçom de um novo bem, contribuindo a reduzir a produçom de energia e a explotaçom de recursos, e favorecendo a reciclagem e a reutilizaçom.

Dentro da própia feira estám programadas várias actividades para amenizar a jornada. A charanga folk Empanada Folk fará dous pases, o primeiro às 12:00 e o segundo às 20:00. Às 16:30 teremos tempo para a reflexom e o debate, com a palestra "Acuicultura, a privatizaçom do mar". As actividades para os mais pequenos começaram às 17:00, com manualidades e jogos populares. Completam o programa Os Monifates, espectáculo de música tradicional e títeres para todos os públicos, levando a cabo também dous pases, o primeiro às 18:00 e o segundo às 19:30.