Publicidade

Diário Liberdade
Terça, 25 Outubro 2016 17:14

Leitura simultánea em sete cidades galegas lembra reivindicaçons no Dia do Dano Cerebral

Avalie este item
(0 votos)
País: Galiza / Saúde / Fonte: FEGADACE

FEGADACE estará acompañada da corporación municipal, encabezada polo alcalde e a concelleira de Políticas Sociais, no acto de Compostela.

Este mércores, 26 de outubro, conmemórase o Día do Dano Cerebral, e tanto FEGADACE (Federación Galega de Dano Cerebral) como as súas asociacións preparan múltiples actividades informativas, reivindicativas e lúdicas.

O acto máis importante da xornada vai ser unha lectura simultánea do manifesto que o movemento asociativo do dano cerebral edita cada 26 de outubro, no que analiza a situación das persoas con DCA e plasma as súas principais demandas colectivas. A lectura vai ter lugar ás 12:00 do mércores, día 26, nas seguintes localizacións:

  • Santiago de Compostela. Acto central. Praza do Obradoiro. En colaboración coa Asociación de Dano Cerebral de Compostela (Sarela) e co apoio da Corporación Municipal. Está confirmada a presenza do alcalde, Martiño Noriega, e da concelleira de Políticas Sociais, Concha Fernández, así como do presidente de FEGADACE, Luciano Fernández, e do de Sarela, José Balboa.
  • A Coruña. Palco dos Xardíns de Méndez Núñez. En colaboración coa Asociación de Dano Cerebral da Coruña (ADACECO), no contexto da súa Xornada de Deporte Adaptado.
  • Ferrol. Hospital Arquitecto Marcide.
  • Lugo. Praza de España (diante da Casa do Concello). En colaboración coa Asociación de Dano Cerebral de Lugo (ADACE), no contexto da mesa informativa da entidade.
  • Ourense. Rúa do Paseo (á altura do Banco de España). En colaboración coa Asociación de Dano Cerebral de Ourense (Renacer) , no contexto da mesa informativa da entidade.
  • Pontevedra. Hospital Provincial.
  • Vigo. Sede de Alento (Rúa Pedra Seixa, s/n – Navia). En colaboración coa Asociación de Dano Cerebral de Vigo (Alento), no contexto da Xornada de Portas Abertas.

Ademais do acto de Santiago, FEGADACE ten previsto pasar a mañá en dúas mesas informativas nas localidades de Ferrol e Pontevedra. A Federación aproveitará para informar sobre o dano cerebral adquirido e sensibilizar para a súa prevención nas dúas únicas cidades nas que aínda non existe unha asociación de DCA. Estará de 10:30 a 13:30 no Hospital Arquitecto Marcide (Ferrol) e no Hospital Provincial (Pontevedra).

As cinco asociacións federadas en FEGADACE programan, ademais, outras actividades, que se poden consultar na táboa que acompaña a presente nota.

Día do Ictus

A conmemoración do Día do Dano Cerebral chega acompañada, tres días máis tarde, pola do Día do Ictus (29 de outubro). FEGADACE organiza un coloquio que vai ter lugar no auditorio da sede de Afundación da rúa do Vilar, en Santiago. Vai estar protagonizado por Susana Arias, neuróloga do CHUS, Fernando Galdo, familiar e coidador da súa nai, que tivo un ictus, e Juan Luis Delgado, membro da directiva de ADACECO (Asociación de Dano Cerebral da Coruña) que tivo un ictus e falará do mesmo en primeira persoa. Ademais, José Manuel Fandiño, coordinador de Urxencias do CHUAC, vai falar do Código Ictus e presentar o Plan Ictus do Sergas.

O ictus é a principal causa do dano cerebral, no 78% dos casos. De aí o interese por vincular o Día do Dano Cerebral coa xornada dedicada ao seu principal causante. En Galicia viven actualmente 35.756 persoas con dano cerebral adquirido, e prodúcense cada ano case 7.000 novos casos desta discapacidade. Con xornadas e actos como este FEGADACE quere facer que o dano cerebral adquirido deixe de ser unha epidemia silenciosa, favorecendo a inclusión social e o empoderamento das persoas e familias con DCA.

FEGADACE constituíuse en 2007 polas cinco asociacións de dano cerebral que traballan en Galicia: ADACECO na Coruña, ADACE en Lugo, Alento en Vigo, Renacer en Ourense e Sarela en Santiago. O seu obxectivo é contar cunha plataforma común de interlocución, coordinación e divulgación das necesidades do colectivo de persoas con dano cerebral adquirido.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar