"A greve é um instrumento útil para dar visibilidade às nossas reivindicaçons de forma organizada e direta. As grandes mobilizaçons conseguirom historicamente vencer injustiças e apresentar no panorama político e social as demandas da gente. Porque quando se exerce o poder contra a maioria, protestar é a maneira de fazer-se respeitar. Para isso há que apresentar-se como umha maioria inconformista e nom como umha silenciosa", explicam de Erguer.

A greve estudantil nom será a única oposiçom que enfrenta a LOMQE, a lei educativa promovida exclusivamente polo PP para levar ao sistema educativo valores reacionários e conservadores: mesmo o Parlamento burguês espanhol promoveu ontem, com apoio de toda a oposiçom, umha iniciativa que terminará com a derrogaçom da LOMQE.

O estudantado da ESO e Bacharelato está totalmente desprotegido este ano com a chegada da LOMQE e das reválidas, vivendo numha incerteza total sobre quais serám os conteúdos que entrarám nesta prova e como será a mesma.

"Estamos perante umha lei imposta polo PP em que embora aprovemos todos os cursos da ESO ou do Bacharelato, o que determinará se obtemos o título ou nom será un único exame. Isto nom serve de nada para a nossa formaçom e aprendizagem, só para memorizar conteúdos e vomitalos nunha prova", argumentam de Erguer, coincidindo com a opiniom da maior parte dos e das especialistas contemporáneas na área do ensino.

"É também umha lei que ataca a nossa língua", ao reduzir as suas horas prendendo "espanholizar o ensino" - como o governo espanhol admitiu expressamente na altura, com a famosa frase do entom Ministro da Educaçom sobre 'espanholizar catalunha' - para que "nom podamos ter acesso ao conhecimento da nossa história e cultura".

Umha das novidades mais polémicas da LOMQE, que contabilizará com efeitos académicos a nota obtida na cadeira de Religiom Católica, é também duramente contestada por Erguer na convocatória das mobilizaçons de próximo dia 24, com as quais querem "derrubar a LOMQE".

MANIFESTAÇONS ÀS 12h:

>Compostela: Alameda
>Corunha: Praça da Palhoça
>Ferrol: Edifício da Junta
>Lugo: Praça do Seminário
>Ourense: Subdelegaçom do governo espanhol
>Ponte Vedra: Praça da Peregrina
>Vigo: Praça América
>Melide: IES de Melide
>Ribeira: IES nº 1 de Ribeira
>Ponte Areias: Baixada aos IES

CONCENTRAÇONS ÀS 12h:
>Boiro: Praça do Concelho
>O Barco: Praça do Concelho
>Caldas: IES Aquia Celenis
>Cangas:IES Maria Solinho
>Moanha:IES As Braxas
>Vila Garcia: Praça da Galiza