Publicidade

Diário Liberdade
Sexta, 25 Novembro 2016 00:07 Última modificação em Sexta, 25 Novembro 2016 00:07

Briga no 25N: As ruas também som nossas!

Avalie este item
(0 votos)
País: Galiza / Mulher e LGBT / Fonte: Briga

Mais um ano afrontamos um 25 de novembro que como sempre virá acompanhado da cínica lembrança nos meios de comunicaçom sistémicos do número de assassinadas a maos de homens ou das escandalosas cifras de denúncias por assédio sexual.

Mais um ano mostrará-se também a indignaçom pola lacra da “violência de género” e representantes políticos/as de toda cor sairám junto a variados membros das instituiçons do Estado, reafirmando o seu compromisso para rematar com o problema.

Mais um ano organizaçons revolucionárias emitiremos um comunicado e um cartaz com a repercusom e capacidade de divulgaçom à que som condenados os projetos antagónicos aos interesses do sistema.

E mais um ano o movimento feminista galego tratará de mobilizar-se para lembrar que a violência machista nom é um fenómeno isolado que mereça ser lembrado um dia, mas um problema estrutural que deve ser combatido diariamente.

E assim as cousas, as moças de BRIGA nom ocultamos a nossa crescente preocupaçom com as regressivas medidas que o governo estatal e autonómico imponhem em matéria de género, a começar por um dos elos estratégicos na construçom dumha sociedade: a educaçom.

A anti-popular (e hoje incerta) lei LOMQE nom só relega a inclusom educativa a um plano subalterno mas está dirigida a perpetuar e acentuar a dissociaçom de roles por género promovendo matérias como a religiom ou auspiciando a centros que praticam a segregaçom sexual.

Mas nem é necessário aludir à LOMQE para criticar o modelo educativo até hoje vigente. Só temos que reparar em universidades galegas que ainda permitem que o professorado aluda à forma de vestir das alunas ou que acolhem em debates públicos a agressores que manifestam sem pudor que as mulheres somos as responsáveis do assédio sexual que sofremos; reparemos também nos institutos e escolas nos que a memorizaçom de conteúdos está por acima da educaçom em valores; em definitiva, numha pedagogia orientada a formar futuras operárias e/ou profissionais que contribuam ao lucro económico da classe dominante e nom ao bem-estar das pessoas numha sociedade igualitária.

Esse défice educativo é umha das razons de que, por colocar um exemplo, poucas fossem as vozes de alarme quando após constatar-se a agressom sistemática de mulheres por parte dum homem em Lugo, a polícia aconselhou as vizinhas da cidade a nom saírem sós de casa. Poucas fôrom as pessoas que achárom esse “bem-intencionado conselho”umha das formas de violência mais determinantes que sofremos as mulheres: o medo.

E é que acaso é menos violento que após sofrer umha agressom machista ou experimentar o medo de padecê-la (que configura umha agressom em si mesma), se deposite a responsabilidade sobre nós perguntando que roupa vestíamos, em que estado íamos ou o porque de irmos sós por determinada rua?

As moças de BRIGA queremos reflectir e denunciar este 25N o profundo caráter violento das medidas que as instituiçons sistémicas dim dirigir contra as agressons machistas, constantemente centradas em educar-nos a nós no medo e na repressom, e nom aos homens no respeito e no castigo quando agridam mulheres.

Porque as ruas também som nossas,

QUE ENSINEM A ELES A RESPEITAR, NOM A NÓS A TEMER!

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar