A coligaçom entre o movimento xiita e o Partido Comunista derrotou o candidato que era apoiado polos Estados Unidos, o atual primeiro-ministro Haider al-Abadi, que ficou em terceiro lugar.

Ainda com a vitória assegurada na votaçom do passado dia 12, o intrincado sistema político existente no Iraque deixa em aberto o cenário institucional que sairá da eleiçom, embora se trate de um revés para a força ocupante ianque. A abstençom terá atingido os 44,5%.

A coligaçom entre sadristas e comunistas obtivo 54 cadeiras; a Aliança da Conquista, do Hashd, obteve 47; e a Aliança da Vitória, liderada por Abadi, ficou com 42.

Moqtada al-Sadr, líder religioso e nacionalista, uniu forças com o Partido Comunista n acoligaçom 'Os manifestantes' (Sairoon), com um discurso anti violência sectarista e anticorrupçom. Sadr é tido por autónomo em relaçom ao Irám, apesar de também ele ser xiita.

Por sua vez, o secretario do Partido Comunista do Iraque, Raed Fahmi, defendeu umha aliança "nom sectária" entre forças religiosas e seculares "pola justiça social". Ambas forças coincidem na defesa da soberania nacional do seu país contra a ocupaçom imperialista.