O encontro decorrerá sob o lema Mohamed Abdelaziz. Força, Determinaçom e Vontade para impôr a Independência e a Soberania e dele farám parte representantes de numerosas organizaçons políticas de todo o mundo, entre elas, representantes da Galiza como a coordenadora da Área de Internacional do Bloco Nacionalista Galego (BNG), Montse Prado, ou a presidenta do coletivo Solidariedade galega com o povo saaraui (Sogaps), Maite Isla.
A morte de Abdelaziz e o próprio Congresso do Frente Polisário chegam num marco de tensom entre o Saara e Marrocos após a expulsons de parte do reino alauita do pessoal da Operaçom Minurso despregada polas Naçons Unidas. Neste sentido, apesar do acordo adotado polo Conselho de Segurança da ONU que mantém durante mais um ano a sua operaçom especial para a convocatória do referendo de autodeterminaçom aprovado en 1990, Marrocos continua a manter a sua ocupaçom ilegal e nom se vê umha mudança no curto prazo.