Nom se permite a imprensa alternativa, nom há forma de que os cubanos fidelistas entendam que existe umha só alternativa, a nossa.
É o único país latino-americano sem desnutriçom infantil, sem problemas com as drogas, com a esperança de vida mais alta da América Latina, com umha escolarizaçom de cem por cento e nengumha criança vivendo na rua.
Em Cuba a educaçom artística é gratuita, tenhem umha escola de arte em cada província, a Universidade das Artes, ISA, umha das melhores da América, é totalmente gratuita para os cubanos e forma profissionais de todo mundo.
Tenhem um médico em cada 133 habitantes, som umha potência desportiva, Cuba ocupou o primeiro posto no quadro de medalhas olímpicas per capita, superando os mesmos EUA.
Investe 13% do PIB na educaçom, que abrange todo o país, 95% das crianças concluem a escola primária e nom há alfabetos.
Menos de 0,1% da populaçom padece HIV Aids, tendo colaborado com mais de 100 países em matéria de saúde, a saúde é gratuita a todos os níveis e alcança toda a populaçom, as mais altas tecnologias e técnicas em matéria de saúde, por ser um direito do povo, as recebem de forma gratuita. Por exemplo em Cuba realizaram-se quatro mil 951 transplante renais, 436 com dadores vivos sem nengum custo para os doentes recetores da doaçom.
No fim do triénio 2011-2013, a esperança de vida ao nascer da populaçom cubana de modo geral chegou aos 78,45 anos, o que situa a Maior das Antilhas entre as 25 naçons do mundo mais adiantadas nesse importante indicador do progresso humano de umha sociedade. As mulheres mostram umha expetativa de 80,45 e os homens de 76,50.
No ano 2016, por oitavo ano consecutivo, Cuba conseguiu umha taxa de mortalidade infantil por baixo de cinco em cada mil nascidos vivos, que ratifica a ilha na vanguarda da América e entre as primeiras 20 naçons do mundo.
A naçom caribenha atingiu a validaçom pola Organizaçom Mundial da Saúde como o primeiro país do planeta a eliminar a transmissom materno-infantil de HIV-aids e sífilis congénita, um dos resultados mais relevantes da ciência cubana na esfera da saúde durante o 2015.
O Fundo de Naçons Unidas para a Infáncia (Unicef) reconheceu os benefícios de Cuba em matéria de atendimento à infáncia ao divulgar os resultados do inquérito sobre Indicadores Múltiplos por Conglomerados (MICS).
A carência de bens sumptuosos é muito evidente, mas a miséria nom existe. Nom há crianças a dormir na rua nem idosos abandonados. Todos os cubanos tenhem o mínimo indispensável para viverem decorosamente.
As mulheres ganham igual salário que os homens por igual posto e trabalho, tenhem direito a um ano pago de licença de maternidade e nom perdem o seu posto de trabalho, e a sua sobrevivência e a dos seus filhos nom depende de um homem.
É o único país do mundo que cumpre a sustentabilidade ecológica, minimizou os níveis de violência construindo umha sociedade segura.
Cuba é garante da paz e ajudou a pôr fim à guerra na Colômbia. Fidel criou pontes para o relacionamento entre religions.
Segundo o Programa de Naçons Unidas para o Desenvolvimento, na última década, Cuba é o único país da América Latina e do Terceiro Mundo que se encontra entre as primeiras dez naçons com o melhor índice de desenvolvimento humano sobre os três critérios: esperança de vida, educaçom e nível de vida.
Segundo a Organizaçom Mundial da Saúde, Cuba é um modelo para os países em via de desenvolvimento quanto ao atendimento médico às maes e às crianças. A UNICEF enfatiza que "Cuba é um exemplo na proteçom da infáncia".
A ONG, Save the Children coloca Cuba no primeiro posto dos países em desenvolvimento nas condiçons brindadas às maes, adiante de Argenetina, Israel ou Coreia do Sul. Nesse estudo tivérom-se em conta vários critérios como o sistema de saúde e educaçom, ou seja, a assistência por pessoal qualificado durante o parto, a difusom dos métodos anticoncecionais e o nível de educaçom das mulheres e crianças. Também se tomou em consideraçom a igualdade política e económica entre homens e mulheres, quer dizer, a participaçom das mulheres na vida política e a igualdade salarial.
A Organizaçom Internacional do Trabalho (OIT) qualifica o sistema de segurança social cubano de "milagre", dada a proteçom que brinda aos trabalhadores e a taxa de desemprego muito baixa (1,9%).
O Grupo das Indústrias Biotecnológica e Farmacêutica, BioCubaFarma, produz medicamentos, equipas e serviços de alta tecnologia a partir do desenvolvimento científico-técnico do país, destinados ao melhoramento da saúde do povo cubano e a geraçom de bens e serviços exportáveis.
Na Organizaçom trabalham 21801 trabalhadores, deles mais de 6.300 som universitários, mais de 260 Doutores em Ciências, mais de 1.170 Mestrado em Ciências, mais de 1.300 com Categoria de Tecnólogos e mais de 700 com Categoria de Investigadores.
Entre suas principais produçons encontram-se as vacinas profilácticas contra doenças infeciosas, biofármacos para o tratamento do cancro (inclui anticorpos monoclonais e vacinas terapêuticas), produtos para a prevençom e tratamento de afeçons cardiovasculares, bem como para o tratamento da úlcera do pé diabético.
Também se fabricam produtos genéricos e compostos farmacêuticos de nova geraçom, bem como sistemas para o diagnóstico precoce e prevençom de tumores malignos, malformaçons, doenças herdo-metabólicas e outros.
De igual forma, ofertam-se produtos a partir da medicina natural e tradicional, investigaçons agropecuárias e equipas Médicas de avançada tecnologia, nanotecnología, neurociências e neurotecnologia.
Algo inaudito para um país do Terceiro Mundo, como é recolhido no Programa para a Transiçom em Cuba, é um dos ramos da economia que deve ser desestimado, por perigoso para as empresas e porque nom corresponde como atividade económica para um país caribenho subdesarrollado, deve ser substituída polo cultivo de flores que se adapta melhor ao status cubano.
Em Cuba todas as pessoas podem votar e ser votadas ao fazerem 16 anos. Os candidatos e candidatas som propostas e eleitas no bairro, pola vizinhança sem importar credo, ideologia, nem filiaçom partidária -nom som selecionados polo Partido Comunista, (que nom é eleitoral e nom nomina nem postula). Para a cada posto proponhem-se no mínimo dous candidatos e oito no máximo. Para ser eleito há que receber mais de 50% dos votos. Nom existem campanhas eleitorais.
O voto é livre, secreto e direto. O colégio eleitoral encarrega-se de realizar a contagem. Durante a mesma, podem estar presentes, além dos observadores estrangeiros e cubanos, qualquer pessoa que assim o desejar.
Nengum representante, deputado ou delegado recebe qualquer regalia por desempenhar seu cargo; o Estado paga-lhes um salário exatamente igual ao que tinham em seus trabalhos antes de desempenhar seu cargo, emprego ao que regressassem umha vez finalizado seu mandato. Os Delegados de Circunscriçom (de base) desenvolvem o seu labor em tempo livre pois seguem desempenhando no posto trabalhista que ocupavam. A rendiçom de contas e o mandato revogatório som umha componente importante do sistema eleitoral.
Umha das caraterísticas da sociedade cubana é sua forte cultura do debate e o diálogo.
Evidentemente Cuba nom classifica entre os países que cumprem os parámetros estabelecidos polos Estados Unidos para ser considerada umha naçom “livre” e “democrática”, a polícia nom reprime o povo, nom há desaparecidos, nom há torturados, os nossos homens na Ilha que se declaram “opositores”, apesar as evidentes transgressons da lei que cometem regularmente, nom som praticamente incomodados e contra toda lógica fam o possível e o impossível para que os reprimam, sem o conseguirem, o que os enfurece e doente de ódio e impotência, recebem todos os benefícios aos que tenhem direito como cidadaos cubanos, embora luitem “decididamente” por destruir esses direitos, o escravo assumido cubano ao igual que similares de todo mundo, padece de amnesia histórica e servilismo patológico.
Nota à margem: O agente regressou com evidentes transtornos psicológicos, confusom espaço temporária e foi-lhe diagnosticado o mal da Manchúria.