Mostrando itens por tag: Aqualia

A auga da moito cartos. Moitos para as grandes transnacionais, uns poucos para os gobernos municipais que a venden como unha mercadoría máis. Un modelo de xestión que permite aos concellos financiarse malvendendo este ben común, igual que o fan con tantos outros. Cos cartos no peto, pouco importa a supervisión dos contratos ou, o máis importante, que todas as veciñas teñan garantido o dereito a auga.

“En Vigo no se le corta el agua a nadie” repetía Caballero o 20 de maio. Porén, nesa mesma rolda de prensa, anunciaba unha axuda dun pago único de 100€ para pagar a auga durante o segundo semestre do ano dirixida a familias sen recursos. A medida estaba subvencionada por Aqualia con 30.000€.

A auga é un dereito básico. O acceso a este servizo, a este ben, non deberia estar en mans de empresas privadas, que especulan e que non garanten que persoas sen recursos vivan situacións terribeis como a do corte deste subministro.