Publicidade

Diário Liberdade
Sábado, 03 Dezembro 2016 12:46 Última modificação em Segunda, 12 Dezembro 2016 08:56

Duas pessoas de Vimianço e Arteijo sofrem condenaçom mediática internacional por inexistente vinculaçom ao ISIS Destaque

Avalie este item
(0 votos)
País: Galiza / Repressom e direitos humanos, Antifascismo e anti-racismo / Fonte: Diário Liberdade

Um aparelho policial espetacular deteu as duas pessoas na segunda-feira, segundo o Ministério do Interior madrileno pola sua relaçom com alegados terroristas do Estado Islámico.

O alvo da condenaçom mediática - eventualmente, mas nem sempre, seguida de condenaçom judicial - nom foi esta vez o tantas vezes criminalizado independentismo galego, mas diretamente a imigraçom.

Abdelkarim Tergou e Abdelkamer Redjimi, de origem argelina e residentes em Arteijo e Vimianço, fôrom surpreendidos de madrugada na sua moradia, e levados a 600 km de distáncia pola Guarda Civil espanhola, que os transportou até à capital daquele país.

Um aparelho policial espetacular deteu as duas pessoas na segunda-feira, segundo o Ministério do Interior madrileno pola sua alegada - e finalmente inexistente - relaçom com alegados terroristas do Estado Islámico.

A seguir, a condenaçom mediática, prévia a qualquer julgamento, espalhava através dos seus vozeiros do ódio a identidade e detalhes da vida privada das duas pessoas investigadas. Só após difusom internacional da notícia, da identidade de Abdelkarim e Abdelkamer e de umha audiência acrítica que dava a culpabilidade dos dous argelinos como certa chegou a verdadeira notícia:

Nom existia qualquer classe de prova para vincular Tergou e Redjimi com açons do Estado Islámico. No melhor dos casos - supondo que mesmo isso seja verdade - haveria umha relaçom indireta com outra pessoa que, à sua vez, teria ajudado alegados terroristas jihadistas, e isso todo sem conhecimento dos dous galegos - argelinos, segundo admitiu a Guardia Civil - só após a espetacular açom e difusom da identidade dos dous inocentes de terrorismo.

Entretanto, Redjimi gritava a sua inocência, mesmo numha entrevista na Rádio Galega onde assegurava que era "muito grave" o que acontecera e que "nom era umha brincadeira", assinalando que a notícia chegou a difundir-se no seu país natal, Argélia.

Mantém-se contra ambos os argelinos a acusaçom de tráfico de pessoas, mas após o acontecido paira a dúvida razoável de se esse cargo é mantido só para, polo menos, manter umha mínima justificaçom para a açom repressiva. Mesmo supondo algumha base para isso, é necessário ter em conta que as autoridades espanholas consideram frequentemente como tráfico de pessoas a ajuda solidária a pessoas migrantes, como por exemplo no caso da ativista Laura Bugalho, que chegou a estar também ameaçada judicialmente por essa figura.

A paranoia terrorista, tam útil aos interesses do capital na sua transiçom para formas mais autoritárias, e o racismo institucional e mediático cobrárom esta semana duas vítimas galegas.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar