Umha manifestaçom das 'Marchas da Dignidade' percorreu ontem as ruas da Corunha, aderindo a convocatória espanhola, que tivo forte participaçom naquele país. Na Galiza, no entanto, fôrom uns centos de pessoas as que se mobilizárom neste sábado 25 de fevereiro. Com adesom de diferentes organizaçons, entre as quais Corrente Vermelha ou sindicatos como o STEG, segundo informámos no Diário Liberdade, o protesto terminou com um ato nos Cantons corunheses.

Com este nova mobilizaçom, as Marchas da Dignidade mantenhem pautas similares às que em 2011 ganhárom visibilidade pública através do movimento 15M. Também mantenhem similares linhas e métodos de açom, sem que até agora tenham conseguido deter a ofensiva neoliberal em plena descomposiçom capitalista ou mesmo atingir vitórias parciais significativas. Apesar disso, as Marchas da Dignidade som atualmente algumhas das poucas mobilizaçons que estám a tentar contestar, de melhor ou pior maneira, a situaçom descrita, perante a paralísia da esquerda revolucionária galega.