Publicidade

Diário Liberdade
Quinta, 09 Março 2017 13:32 Última modificação em Sábado, 11 Março 2017 11:55

Cámara de Ourense celebra 8 de Março provocando e desprezando luita das mulheres pola igualdade Destaque

Avalie este item
(0 votos)
País: Galiza / Mulher e LGBT / Fonte: Diário Liberdade

Zuma, Aquagym e concertos completárom a provocaçom do PP com o prémio Clara Campoamor, numha programaçom contestada polo movimento feminista.

A entidade feminista Falando Nós expressou o seu "total rejeitamento" ao programa de atividades do departamento de (alegada) Igualdade da Cámara Municipal chefiada polo patriarcal Partido Popular, a quem acusam de "esquecer de novo a verdadeira problemática que estamos a viver as mulheres na atualidade, e ademais condeando-nos mais umha vez a arrastar o estereótipo de mulher responsável única dos cuidados familiares".

O alvo das críticas feministas foi a absurda programaçom com que o governo local de Ourense insultou a memória das heroínas de 8 de Março e, também, a histórica luita das mulheres pola igualdade. Assim, a Cámara Municipal concedeu o undécimo prémio Clara Campoamor (política feminista que conseguiu o voto feminino no Estado espanhol) a um homem. Para Falando Nós isto é um "desacerto total, sem entrar a avaliar os méritos prifessionais desta figura" já que consideram que "este prémio criou-se precisamente para recuperar e visibilizar figuras de mulheres que lembrem que (...) também existimos", usando-as como "modelo". Por isso, o  "nomeamento dum homem para este prémio esquece o que realmente se está passando com as mulheres" num contexto que, recordam, é o de "maior retroceso nos direitos fundamentais como pessoas que se tem experimentado en muitos anos, e com que comprovamos que a desigualdade cresce" com consequências como os assassinatos machistas, o reforçamento dos estereótipos patriarcais e a consolidaçom da diferença salarial entre homens e mulheres. Foi a primeira vez que o prémio nom foi concedido a umha mulher. A Marcha Mundial das Mulheres - que também tinha mobilizaçom na cidade - pediu que fosse anulada a decissom do juri.

Nom contentes com isso, os e as vereadoras do PP em Ourense completárom a programaçom com um programa de lazer e desportivo sem qualquer relaçom com a dramática opressom sofrida polas mulheres galegas às maos do machismo: zumba, aquagym ou um concerto de Minimalia faziam parte do delirante programa, principalmente executado - também - por homens. "O que fai [a Cámara de Ourense] é organizar actividades lúdico deportivas que nada fam por representar a realidade discriminatoria que estamos a viver, numha evidente estratégia de despiste para obviar o que de verdade acontece e que após séculos de luita continuamos sendo cidadás de segunda, e que as políticas de cortes do governo do PP estám a eliminar dos orçamentos municipais e estatais os programas de prevençom da violência de género e ajuda a mulheres vítimas de violência". As feministas explicam que "ganhamos 20 % menos que os homens, que a maior percentagem de desemprego é feminino, que os contratos das mulheres som maioritariamente a tempo parcial e de curta duraçom, a falta de medidas para a conciliaçom laboral e familiar, que a pobreza ataca especialmente as mulheres que moram sós e com familiares e filhos ao seu cargo.

Também no pleno municipal houvo críticas, com o grupo cidadanista Ourense en Común se negando a participar nos atos institucionais de 8 de Março, que considerárom um despreço à data. De OUeC criticárom também, através da vozeira Ledicia Piñeiro, a sobrerrepresentaçom masculina em todo o programa, e aderirom as mobilizaçons da MMM, tal como a reivindicaçom de anulaçom da decisom do juri, ao mesmo tempo que figêrom fincapé no "trabalho histórico de coletivos feministas".

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar