No día 8 a Mesa Intersindical de Bombeiros de Galicia reuniusecon representación das tres Deputacións que están a plantexar abandonar a xestión indirecta dos respectivos servizos comarcais de bombeiros, A Coruña, Lugo e Pontevedra. En dita reunión fixéronlles entrega do informe xurídico que analiza a situación actual, os condicionantes, e a viabilidade de acometer tal cambio, que foi elaborado conxuntamente polas tres administracións. "Supón polo tanto o punto de partida sobre o que xa podemos empezar a traballar de cara a perfilar os fundamentos da recuperación da xestión directa deste servizo esencial", din da MIBG.

No caso concreto da Deputación de A Coruña supón ademais o compromiso de dar comezo inmediato as xestións precisas para poder iniciar formalmente  o procedemento e a negociación do proceso. Nas próximas semanas faránlles entrega do estudo económico pertinente e analizarán o contido do informe xurídico por parte dos sindicatos da MIB. Comezarán de inmediato a colaboración cos servizos técnicos da Deputación de cara a depurar e perfilar as bases xurídicas que asentaran o cambio de modelo.

"Agradecemos pois o compromiso adquirido polas Deputacións citadas e agardamos que pronto poidamos comezar a deixar atrás un modelo baseado na xeración de beneficios para mans privadas a costa das desgracias da cidadanía", din.