Centenas de trabalhadoras e trabalhadores manifestárom-se em Vigo em apoio ao quadro de pessoal de Nueva Pescadora, que desenvolve umha greve em defesa de convénios coletivos dignos nessa empresa galega de alimentaçom.

A solidariedade estendeu-se ao operário detido por realizar labores como grevista às portas da fatoria, como parte de um piquete informativo.

O centro de Vigo ouviu palavras de ordem pola liberdade do detido e em apoio à justa luita do pessoal, que desennvolve umha greve convocada pola CIG, CUT, UGT e USO para reclamar condiçons de negociaçom dignas. As provocaçons policiais, obstaculizando o livre desempenho dos e das grevistas, levou a que um trabalhador acabasse detido na manhá desta segunda jornada de greve. As forças repressivas tentárom inclusive que os piquetes pudessem verificar o exercício do direito à greve.

As forças sindicais farám umha nova assembleia do pessoal da Nueva Pescanova para analisar o resultado dos dous dias de greve e os novos passos a seguir, incluindo a possível greve indefinida a ser convocada a partir do dia 4 de abril.

Eis o vídeo-crónica realizado pola CIG, a central sindical maioritária na empresa: