A primeira delas foi nesta quinta-feira, 5 de abril às 20.30hs, quando decorreu umha palestra com o historiador ferrolano Eliseo Fernández, sob o título: "As irmandades e o movimento obreiro em Ferrol".
Na sexta-feira, 6 de abril, às 20.30hs apresentou-se na Fundaçom Artábria "Alén da casta. Un ensaio sobre o poder e as clases sociais no século XXI", de Xabier Pérez Davila, publicado em Laiovento. A obra aborda as conseqüências da crise financeira, transformada em económica, social e política. O autor pergunta-se nas suas páginas se é possível compreender a sociedade ignorando os conceitos de poder, hierarquia e classe social. "Existe, ainda, a luita de classes? Quem leva a iniciativa, a minoria poderosa ou a maioria subalterna?". O texto descreve as classes sociais tal e como se configuram na primeira década do século XXI. No ato, junto ao autor, participou Maurício Castro.
No sábado 8, na Travessa de Batalhons, elaborar-se-á um mural comemorativo do centenário da criaçom das Irmandades da Fala na cidade.
Na quarta-feira, 12 de abril, CGTH records organiza um concerto de autêntico luxo com os cataláns Plese Wait que chegam desde Sant Feliu de Guíxols para nos apresentarem o seu último trabalho "Look around, see inside". Junto a eles e também dos Països Cataláns, Tano!, umha dupla de Girona formada por componentes de Anchord ou Hürricade. A terceira banda nom precisa apresentaçom e já som da família ártabra: os Klüte. O concerto começará às 22.00hs e a entrada é de graça.
Na sexta-feira, 14 de abril, decorrerá umha nova projeçom de diapositivos da história da entidade, da mao de Nês Lopes.
No sábado 15 de abril, um novo atelier infantil decorrerá da mao de Lara Soto. Desta vez, pintaremos a nossa própria camisola, ou a de mamai ou papai. Precisa-se de inscriçom prévia gratuita e há limite de assistência para 15 crianças. A atividade está programa para nenos e nenas a partir dos 4 anos. Podes fazer a inscriçom ligando para o número 671 200 160 (Lara)
Sexta-feira 21, às 21.30h, a dupla formada por Sapoconcho e Frank Astro trazem o projeto "Canções de amor e guerras", no que misturam-se diversos estilos musicais, passados pola particular peneira musical dos dous artistas. O concerto promete ser íntimo e intenso em colaboraçom com os XX anos de Ábrete de Orellas.
No sábado 22, daremos continuidade às atividades deste mês de abril com umha ceia em homenagem ao quarenta e dous aniversário da Revoluçom dos Cravos em Portugal. A ementa será composta por entradas várias, Arroz de Bacalhau, vinho, água e sobremesa. O preço do bono é de 12 euros para as pessoas associadas à Fundaçom e de 15 euros para o resto, podes reservá-lo ao balcom do Centro Social ou escrevendo para Este endereço de email está sendo protegido de spambots. Você precisa do JavaScript ativado para vê-lo. e fazendo o pagamento no número de conta: ES64 2080 0226 6130 4002 2733 ponhendo como conceito "Ceia 25 abril". A data límite para se inscrever é 20 de abril. Os lugares estám limitados a 60 pessoas. A ceia começará às 22.00hs
Na sexta-feira 28, às 20.30hs, dárám continuidade às atividades comemorativas do centenário das Irmandades na cidade departamental. "O teatro nas irmandades" é o título da palestra que ministrará o professor ferrolano Francisco Rodríguez e que servirá de introduçom à obra "Mal de moitos", de Charlón e Hermida, que será interpretada polo grupo de teatro da Sociedade Cultural Medulio.
Fechar-se-ám as atividades deste mês, com um novo concerto no sábado 29. De Carral chega o grupo de metal Cru, que acompanhará no cenário do Centro Social os locais Os Derradeiros. O concerto começará às 22.30hs e a entrada é de graça.