(01.05.2017) Nem a campanha mediática nem a violência policial conseguírom isolar o coletivo de vizinhos e vizinhas que ocupavam um prédio devoluto no centro histórico de Compostela. A reaçom popular foi novamente massiva, com quase um milhar de pessoas nas ruas da capital galega em apoio ao CSOA Escárnio e Maldizer, vítima do despejo brutal da passada terça-feira.
Meios como RTVG ou El Correo Gallego intensificárom a sua campanha de desprestígio do coletivo ocupa, qualificando-o repetidamente de "ilegais" e "violentos", versom que bateu com as declaraçons unánimes da vizinhança da zona onde se localiza o prédio despejado, afirmando a absoluta integraçom do coletivo no bairro.
A tropa violenta espanhola, fardada e armada, ocupou as ruas ontem para espancar vizinhos e vizinhas solidárias, detendo umha pessoa ferida e obrigando-a a passar umha noite no calabouço, acusando-a de "atentado e altercados". Os carrascos armados em vítimas e as vítimas convertidas em carrascos por obra e graça da propaganda.
Porém, a importante resposta vicinal na tarde desta quarta-feira voltou a deixar em evidência nom apenas esses meios de propaganda, mas também aquela esquerdinha institucional que nestes dias pareceu preocupar-se mais com os contentores do que com os direitos civis das pessoas que habitam a capital da Galiza.
(31.05.2017) Nova manifestaçom em apoio ao Centro Social e contra a repressom policial: Fica livre a pessoa detida e agredida ontem
Após toda a noite detido nos calabouços da polícia espanhola em Compostela, a pessoa detida e espancada polas forças repressivas ficou hoje em liberdade. Antes, umha manifestaçom solidária percorreu o centro histórico até a esquadra policial, reclamando a liberdade e denunciando a violência policial.
A pessoa detida e espancada tivo que dar entrada no hospital, em estado de semi-inconsciência pola contundência das porradas recebidas durante a carga policial. Como vivemos no mundo ao contrário, agora é acusado de "atentado e altercados".
Incorporamos a vídeo-crónica do coletivo Galiza Contrainfo sobre a jornada de ontem em Compostela, após o violento despejo de um centro social por parte da polícia espanhola.
 |
Foto: @GzBriga
(30.05.2017) Resposta popular contra o violento despejo policial do Centro Social Ocupado Escárnio e Maldizer, em Compostela
O CSOA Escárnio e Maldizer, espaço ocupado polos movimento popular em Compostela, foi violentamente despejado pola polícia espanhola na manhá desta terça-feira.
Dando cobertura aos próprietários de um imóvel sem qualquer uso no centro histórico de Compostela, as forças repressivas espanholas voltárom a mostrar o seu comportamento violento contra o povo.
Umha carga com espancamentos, várias pessoas feridas e a detençom de mais pessoas, com expedientes de sançom já abertos a cada umha, som o resultado imediato da atuaçom violenta dos fardados espanhóis na capital galega na manhá de hoje. As vítimas da violència policial defendiam o espaço de cultura popular que nos últimos anos ativou culturalmente e contribuiu para a auto-organizaçom popular em Compostela.
As janelas e portas do prédio, objeto de proteçom histórica, fôrom ilegalmente tapiadas para evitar umha reocupaçom do mesmo, sem permitir nem sequer a retirada do material da entidade popular que vinha desenvolvendo o seu labor social entre aquelas paredes.
Às 20 horas foi realizada umha concentraçom na praça 8 de março da capital galega, em solidariedade com o CSOA Escárnio e Maldizer, reunindo centenas de vizinhas e vizinhos em condena da violência institucional contra o movimento popular.
Nova carga policial e convocatória para as 9 da manhá
As últimas informaçons confirmam umha nova carga policial, com disparo de bolas de borracha contra as vizinhas e vizinhos que protestavam contra a repressom. Várias terám sido feridas e detidas, incluindo entrada em hospital de polo menos umha delas.
Para as 9 da manhá desta quarta-feira foi convocada umha concentraçom às portas da esquadra policial, para exigir a liberdade das pessoas detidas.
Entretanto, meios privados e públicos, como a RTVG, figérom ao longo do dia a campanha de cobertura ideológica à polícia e aos proprietários, definindo como "coletivo de ilegais" o CSOA Escárnio e Maldizer, iniciativa popular bem conhecida e com atividade cultural contrastada no seio dos movimentos sociais compostelanos.
Foto 1: @erguergaliza
Foto 2: @GzBriga
Foto 3: @NosTelevision
Vídeo-Crónica: @gzcontrainfo