Publicidade

Diário Liberdade
Sexta, 03 Junho 2016 10:10 Última modificação em Sexta, 03 Junho 2016 10:16

Contratos temporários estacionais fam descer o desemprego registado na Galiza

Avalie este item
(0 votos)
País: Galiza / Laboral/Economia / Fonte: CIG

Asináronse en maio 76.567 contratos, dos que 70.702 foron temporais, pero só descendeu o paro en 7.780 desempregados/as menos.

A contratación en precario e temporal está permitindo maquillar as cifras do paro rexistrado. Así en Galiza produciuse un descenso do número de desempregados/as de carácter estacional. Deste xeito o mes de maio rematou cun total de 220.464 persoas desempregadas, cun descenso respecto do mes anterior do 3,37% (-7.689 persoas) e un descenso respecto do mesmo mes do ano anterior de 6,97%, (-16.517).

Este é o primeiro mes de maio, desde que os gobernos do PP anunciaron, alá por 2014, que estabamos saíndo da crise, no que menos redución de paro houbo en termos interanuais. De feito se no mes de maio de 2014 a redución foi, con respecto a maio de 2013, de 20.442 desempregados/as (-7,20%) e a diminución, no mesmo mes de 2015, foi de 26.463 (-10,05%) respecto do maio do ano anterior, este ano foi de 16.517 (-6,97%).

Para o secretario confederal de Emprego e Industria, Miguel Malvido, até tal punto é precaria a situación laboral que “non só se asinan contratos de calidade ínfima, senón que ademais as persoas que acceden ao mercado laboral o fan con contratos de escasísima duración”. Só así se explica que se asinen un total de 76.567 contratos nun mes, pero só se reduza o paro rexistrado en 7.780 persoas. Isto dá idea de que a maioría das persoas que acceden a un emprego só o fan por días ou semanas, nin sequera por un mes enteiro.

Diante desta situación Malvido alerta de que “as reformas cambiaron as relacións laborais até tal punto que, de non revertelas, camiñamos cara converter a pobreza en estrutural na clase traballadora”.

Risco de exclusión social

Se estes datos son, no seu conxunto preocupantes, aínda o é máis ver como se segue a incrementar o risco de exclusión social. De feito, hai 122.532 persoas desempregadas que non cobran ningún tipo de prestación, o que representa o 53,7% do total. “Porén a Xunta de Galiza segue sen articular medidas nin para paliar esta situación, nin para crear emprego de calidade, nin para apoiar os sectores produtivos”, denuncia Malvido, que lembra que “a CIG puxo sobre a mesa numerosas propostas que mesmo chegaron ao Parlamento vía ILP e foron desbotadas polo PP, sen tomar en consideración nin a primeira delas”.

Atendendo ao seu carácter estacional, loxicamente onde máis descendeu o paro rexistrado foi en Construción e Servizos. Sectores nos que adoita producirse un incremento da actividade coa chegada do bo tempo.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar