ATAQUES POLICIAIS CONTRA MILITÂNCIA DE BRIGA

De BRIGA queremos denunciar os seguintes factos:

Na noite da quinta-feira 3 de maio, um militante da nossa organizaçom e membro da Mesa Nacional e do Secretariado Político, era abordado quando voltava à sua casa por dous agentes de polícia à paisana.
Estes agentes procederom a indentificaçom e registo do jovem e de umha pessoa que o acompanhava. Assim mesmo, posteriormente procediam à incautaçom ilegal de material formativo e pessoal que o nosso militante levava na mochila, mália a sua negativa a tal açom.

Desde um início, os agentes interessam-se pola “vida ativista” do nosso companheiro. Ao final, mais umha mostra do uso da polícia espanhola para a perseguiçom política contra a esquerda independentista.

Ao dia seguinte, sexta-feira 4, umha patrulha uniformada apresenta-se na sua casa perguntando polo jovem mas, ao nom estar este, a polícia retira-se.

Desde Briga, conhecemos perfeitamente o papel das forças de “segurança”, as suas estratégias de controlo, recaudaçom de informaçom e de intimidaçom.

Podem continuar, mas que saibam que nós nom vamos deter o nosso agir político encaminhado à construçom da República Galega ao serviço da Classe Trabalhadora.