Publicidade

Diário Liberdade
Terça, 16 Outubro 2018 20:42 Última modificação em Quarta, 24 Outubro 2018 13:13

A luita incansável torna possível um acordo para a recuperaçom de direitos na indústria auxiliar galega

Avalie este item
(1 Voto)
País: Galiza / Laboral/Economia / Fonte: CIG

CIG-Indústria reclama ao patronato que assuma a incorporaçom do documento no Acordo Provincial.

Regular as condicións dos traballadores e traballadoras e dotar de eficacia normativa os acordos nas industrias auxiliares fica a un paso de facerse realidade, tras o acordo asinado hoxe entre as organizacións sindicais e as empresas do sector que operan en Navantia. Determinar o ámbito temporal e territorial, as categorías e as contías económicas para este persoal era a condición marcada pola patronal provincial para incluír os acordos das auxiliares no convenio do metal da Coruña. Por iso, dende a CIG-Industria reclamam ao patronato provincial a cumprir coa súa parte e asumir a incorporación do pacto alcanzado en Ferrol, durante a reunión convocada para este mércores no Consello Galego de Relacións Laborais.

"Sería inaceptábel que mañá a patronal se negara a incluír o acordo no convenio, cando as partes afectadas -traballadores/as e as empresas auxiliares que operan en Navantia- conseguiron chegar a un entendemento", subliña Vicente Vidal, secretario da CIG-Industria de Ferrol. Lembra que na última xuntanza no Consello Galego, o empresariado con presenza na mesa do convenio requiriu ás centrais sindicais e ás empresas do naval resolver previamente unha serie de cuestións relativas á igualación das categorías cos grupos salariais,sobre a temporalidade da inclusión dos pluses no convenio e unha proposta económica.

Con tal obxectivo, acadouse un preacordo na Mesa do Naval que a CIG explicou e someteu a votación dos traballadores e traballadoras nas asembleas celebradas o pasado xoves nos dous estaleiros da ría. "Para CIG é moi importante que o persoal estea informado do que se fala e sobre todo, contar coa súa opinión. Desta volta, e chegados a este punto, consideraron prioritario garantir a legalización dos acordos por enriba doutros aspectos de corte económico", subliña.

Unha reivindicación xusta e lexítima

A este respecto, Vidal destaca que só foi posíbel lograr este acordo grazas á determinación e a loita desenvolvida nestes anos polos traballadores e traballadoras das auxiliares, tanto nas mobilizacións pola negociación do convenio provincial como na folga que o pasado ano mantivo paralizado o sector durante 22 días. Unha folga que foi convocada en solitario pola CIG, atendendo o mandato das asembleas do persoal, e que se tentou deslexitimar e boicotear dende diferentes ámbitos. "Co seu esforzo incansábel, os traballadores/as impediron que desapareceran da loita sindical as súas reivindicacións, iniciando o camiño para recuperar os seus dereitos, cando había centrais que xa daban por mortos os acordos", destaca.

Por iso, CIG-Industria apela á responsabilidade da patronal provincial para que asuma dunha vez a incorporación dos acordos no convenio do metal, regulando as condicións laborais e salariais de miles de traballadores/as, e dando así resposta ás xustas e lexítimas reivindicacións deste colectivo.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar