No dia 29 de abril às 20:00 a Fundaçom Artábria vai receber Carlos Velasco, historiador especialista em História Contemporánea e professor da Universidade da Corunha, e Maurício Castro, membro do Coletivo Editor do Diário Liberdade e autor das ilustraçons que acompanham esta ediçom do clássico de Lenine, que abordarám diferentes questons referentes à obra e às teses leninistas sobre o imperialismo.
Durante o ato será possível conseguir a obra, que está disponível na loja online do Diário Liberdade (click aqui) e que estará também nas prateleiras das principais livrarias e centros sociais da Galiza a partir dessas datas.
Do Coletivo Editor do Diário Liberdade esperám anunciar datas em mais cidades galegas, e também que os eventos programados sirvam para estimular a participaçom de novas e novos ativistas na atividade diária do portal informativo popular.
O imperialismo fase superior do capitalismo e a ediçom galega ilustrada de 2016
O imperialismo, fase superior do capitalismo foi escrito polo autor na primavera de 1916 e publicada pola primeira vez poucos meses depois, a inícios de 1917. Representa um dos grandes contributos teóricos do marxismo do século XX, cuja vigência permanece inabalável 100 anos depois. Especial releváncia ganha a obra de Lenine para naçons oprimidas como a galega e num contexto de crise global do capitalismo. O Imperialismo, fase superior do capitalismo parece estar a descrever a situaçom atual de crise e de continua a fornecer ensinamentos fundamentais.
A ediçom que agora apresenta o Diário Liberdade conta com um prólogo específico, realizado polo Coletivo Editor do Diário Liberdade, assim como com umha série de ilustraçons realizadas por Maurício Castro. A ediçom inclui notas de rodapé novas e umha lista final explicativa de nomes.