Arredor das catro da tarde, un home duns 65 anos quedou atrapado debaixo do seu tractor, logo de caer por un desnivel mentras desbrozaba unha leira na Agra da Pedra. O tractor aprisionou unha extremidade do accidentado, o cal lle impedía liberarse polos seus propios medios.

A complexidade do suceso, fixo que o rescate fose moi laborioso e delicado para os Bombeiros, dado que calquera movemento en falso que se realizase na carga, podería agravar moito a situación da vítima. Ao longo de tres horas os compañeiros de Arteixo tentaron con diversas manobras liberar a extremidade. Finalmente acadaron o seu obxetivo, que non era outro que liberar a vítima sen producirlle maiores lesións das producidas polo propio accidente, para posteriormente trasladala a un centro sanitario.

As seis e cuarto, máis de dúas horas despois da primeira chamada de auxilio, o 112 reclamou a colaboración de Bombeiros do Concello de A Coruña, sen que finalmente fose necesaria a súa presenza.

Este sinistro non tería maior transcendencia se non fose polo problema de fondo que está a acontecer na nosa Comarca e no resto de Galicia co actual sistema de xestión das emerxencias.

Nesta ocasión, coma no 40% das súas intervencións, os Bombeiros comarcais de Arteixo, acudiron a un sinistro no cal teñen que pasar por diante doutro Parque de Bombeiros, o Parque Municipal do SEIS de A Coruña.

Esta diferenza de tempo de resposta pode ser determinante para salvar a vida dunha persona en grave risco, coma no caso dun incendio ou dun accidente de tráfico.

Ademais da diferenza de tempo, e importante destacar tamén a diferenza de recursos humanos e materiais, contando o servicio comarcal de xestión privada de Arteixo con 3 Bombeiros por quenda, fronte aos 11 Bombeiros por quenda do SEIS do Concello de A Coruña, de xestión directa.

Unha vez máis a Plataforma de Bombeiros Públicos de Galicia quere dar a coñecer a cidadanía, este e moitos outros problemas derivados da errónea xestión dos Servizos de Emerxencias na nosa Comunidade Autónoma, cunha falla total de coordinación e unificación. O actual modelo de xestión, non atende a criterios de isocronas (tempos de resposta) nin a recursos, tanto humanos coma materiais. Estes feitos denotan unha metodoloxía de movilización de medios completamente irracional, que nin sequera logo de situacións extremadamente graves coma o accidente ferroviario de Angrois (do que agora se cumpren 3 anos), se variaron na busca dun mellor servizo para a cidadanía