Dezoito anos trabalhando pola defesa da nossa cultura, os valores solidários e os direitos históricos do nosso País.

E com este motivo que organizamos umha série de atividades para dar conteúdo ao completo programa previsto para celebrar esta data tam assinalada. Ei-lo.

No sábado 1, às 21hs, inauguramos umha exposiçom fotográfica que fará um repaso visual a estes 18 anos recolhendo imagens de concertos, atividades como Sahmain, os Maios ou o Apalpador, etc...

A exposiçom poderá ser visitada durante todo o mês em horário de apertura do Café-Bar.

Na sexta-feira 7, decorrerá umha palestra sob o título "Naçom e reivindicaçom na Banda Desenhada galega" ministrada por Xulio Carvalho, que é Doutor em Esutdos lingüísticos e literários de galego e português (2015, qualificaçom Cum laude) com umha tese sobre o cómic.

Sábado 8, começaremos a jornada com umha sessom vermute às 12.30, onde além de petiscos, contaremos com as cantadas de Manolo Bacalhau e Xurxo Souto.
Já à noite Os três trebóns ponheram a primeira trilha sonora a este dezaoito aniversário. O concerto comezará às 23hs e a entrada é de graça.

No dia 14 haverá umha nova projeçom de diapositivas da história da nossa entidade. Será às 21.30hs.

Sexta-feira 21, às 21.30hs, a companhia teatral "Damecuerda que teatro" apresentarám a obra "O escorial". A entrada também será gratuíta.

No sábado 22, chega desde Vigo o Ska de Liska!. Letras reivindicativas e combativas desde umha ótica nacional e de classe. O concerto comezará às 23hs. A entrada é livre.

Na sexta-feira 28, haverá um novo atelier infantil. Desta volta, Maru Alonso ensinará às crianças a fazer Bolachas para o Sahmain. A atividade é para nen@s a partir dos 4 anos e é precisso inscriçom prévia já que límite de praças. Podes apontar-te ligando para o 671 200 160.

No sábado 29 decorrerá a ceia do XVIII aniversário. O preço da ementa, que contará com Sopa, Lacom Assado com Cachelos, água e/ou vinho e sobremesa, é de 12 euros (10 euros para pessoas associadas). Haverá opçom vegana sob demanda. Podes apontar-te no balcom do café-bar ou escrevendo para Este endereço de email está sendo protegido de spambots. Você precisa do JavaScript ativado para vê-lo..

Na segunda-feira, 31 de outubro, fecharemos as atividades do aniversário celebrando a noite de sahmain. Desde as 20.00hs haverá um atelier infantil de decoraçom de cabaças e maquilhagem. Também haverá liscos a 1 euro.