Ao mesmo tempo denunciam "a decisom política da Subdelegaçom do Governo espanhol como umha mostra de repressom" diante da divulgaçom de umha Rosalia livre das manipulaçons que  pretendem apresentá-la como umha poeta sentimental e choromiqueira. Rosalia foi umha mulher galega rebelde e identificada com os sofrimentos do seu povo, e era plenamente consciente do que fazia quando escreveu os versos recolhidos no citado mural: “Pobre Galiza, nom deves chamar-te nunca espanhola”, explicam.

"Qual é o mal que faz um mural sobre Rosalia que ademais foi feito num muro sem qualquer valor patrimonial? Ofende alguém? Atenta contra os direitos de alguém? É claro que aqui só se quer castigar a livre expressom de umha opiniom política incómoda para o poder com a surrealista escusa de “danos” ou de “desluzimento”".

Nada novo por parte do Estado espanhol, avaliam, mas nom por isso "deixaremos de denunciá-lo nem deixaremos de reivindicar a Rosalia e a liberdade do nosso povo".