Coincidindo esta edición con dous feitos moi relacionados coa cidade da Coruña: o nomeamento do escritor Manuel María, veciño da Coruña, autor ao que se lle dedica o día das Letras Galegas 2016 e a celebración do centenario da fundación das Irmandades da Fala que tivo lugar na Coruña en 1916, a AS-PG convocou nesta VI edición premios en tres categorías:

Premio Irmandades da Fala  

Premio Manuel María

Premio Mellor curta VI edición

O Xurado formado pola actriz Isabel Naveira, José Manuel Sande, crítico de cine, escritor cinematográfico e guionista, hoxe concelleiro de Cuturas, Deporte e coñecemento do Concello da Coruña, e Raúl Veiga, director, guionista, crítico de cine e especialista en Litertura Galega, declarou finalistas:

-Na modalidade Irmandades da Fala:

 Mira a miña pel de Pablo Kaufmann e Miriam Rodríguez

-Na modalidade de Manuel María: 

Choiva de Denisse Lozano Hermida

Canción da hora na que ladran os cás de Millán Castro Vilariño

Telexornal Manuel María de Luís López Aldegunde

-Na modalidade de Mellor Curta da VI edición de Curtas para Rosalía:

 Adiós Soidá de Fran X. Rodríguez

O espantallo amigo de Carlos Seijo

O prezo da dote de Chus Domínguez

Entregarán os premios á mellor curta en cada categoría:

José Manuel Sande, concelleiro de Culturas, Deporte e Coñecemento do Concello da Coruña, na modalidade Irmandades da Fala.

Saleta Goi, compañeira de Manuel María durante 46 anos, na modalidade Manuel María.

Xoán Costa, presidente da AS-PG na modalidade de Mellor Curta da VI edición.

A entrega de premios e proxección das curtas gañadoras estará precedida por un concerto de DAVIDE SALVADO e a súa banda, unha das voces musicais máis representativas de Galiza que leva anos recorrendo o país na procura de ritmos, coplas e danzas. Desa experiencia aprendeu non só a tradición na música, senón todo un xeito de vivir.