Foi ao meio dia e serviu para denunciar a situaçom dos falsos autónomos de Servicarne, dependentes de Frigolouro, empresa do Porrinho por sua vez propriedade da cooperativa ourensana Coren.

Na concentraçom reclamou-se a readmissom do pessoal despedido por ir à greve em defesa de condiçons dignas de trabalho.

Santa Cruz de Arrabaldo é a localidade onde se localiza a sede central do Grupo Coren. Aí decorreu a concentraçom, para denunciar a perseguiçom de trabalhadores, pressionados para nom terem baixas polos efeitos da intensa exploraçom a que som submetidos. Cinco deles fôrom despedidos por participarem nas greves convocadas. Entre outras cousas, a empresa nega-se a aplicar o convénio coletivo na sua fatoria, aplicando fortes ritmos de produçom, sem férias e com baixos salários.

Segundo dados do ano passado, o grupo galego Coren é a principal cooperativa do estado espanhol, com umha faturaçom de mil milhons de euros, décima no setor cárnico da Uniom Europeia, roubando força de trabalho a uns 3.000 empregados diretos e indiretos, para além dos 3.200 sócios e sócias.