Publicidade

Diário Liberdade
Terça, 04 Outubro 2016 11:47 Última modificação em Quinta, 06 Outubro 2016 04:32

Iniciativa pede declaraçom do Pedregal da Irímia como Monumento Natural

Avalie este item
(0 votos)
País: Galiza / Consumo e meio natural / Fonte: Adega

ADEGA e outras organizacións acaban de iniciar unha campaña para sensibilizar sobre a situación do Pedregal de Irimia, lugar de nacemento do Miño, ameazado polos eucaliptos.

A campaña comezou esta fin de semana cun acto do Pedregal, no decurso do cal deuse lectura ao manifesto e escomenzou a recollida de sinaturas. Podes descarregar o manifesto e o prego de sinaturas (ligazón máis abaixo), para envialas logo a ADEGA.

Manifesto pola declaración do Pedregal de Irimia como Monumento Natural

O NOSO PEDREGAL, MONUMENTO NATURAL

O Pedregal de Irimia, no concello de Meira, é un deses lugares que na cultura colectiva galega representan como poucos a nosa identidade como pobo. Un marco do noso imaxinario común, un espazo senlleiro e mítico: del nace o Miño, o pai dos ríos galegos!

Son ducias os mitos e lendas que acompañan ao longo dos séculos ao Pedregal de Irimia no seu lento tombear abas abaixo da Serra de Meira. Excepcional tamén o seu interese paisaxístico e xeo-morfolóxico, como evidencias dun pasado aínda máis remoto no que os glaciares dominaban o mundo.

Mais esta fonda significación, este valioso tesouro cultural e científico que acubilla non é abondo para garantir a súa pervivencia. Son moitas as ameazas que pairan sobre este espazo: degradación paisaxística, eucaliptización, turismo desordeado… mais a principal delas quizáis sexa o esquecemento. Este semella ser o destino daquilo que non se pode mercar e vender, cuantificar por quilos, ferrados, euros…

As entidades e persoas que subscrebemos este manifesto negámonos a que isto aconteza. Negámonos a que o Pai Miño quede orfo, como un refuxiado na súa propia terra, privado do seu lugar fundacional, a casa petrucial: o Pedregal de Irimia.

É por iso que facendo uso das ferramentas das que nos dotamos para protexer e conservar a nosa herdanza natural e cultural, reclamamos un recoñecemento legal e unha protección para o Pedregal de Irimia. Á altura do seu valor e significado como elemento senlleiro do patrimonio material e inmaterial, insubstituíbel, do pobo galego.

A Lei 9/2001, do 21 de agosto, de Conservación da Natureza, establece a figura de Monumento Natural para “aqueles espazos ou elementos da natureza constituídos basicamente por formacións de notoria singularidade, rareza ou beleza que merecen ser obxecto dunha protección especial. Considéranse tamén monumentos naturais as formacións xeolóxicas e os demais elementos da xea, así como os xacementos paleontolóxicos, que reúnan un interese especial pola singularidade ou importancia dos seus valores científicos, culturais ou paisaxísticos.”

O Pedregal de Irimia ben merece pois este cativo recoñecemento, un pequeno paraugas legal para escorrentar as ameazas do expolio, do cemento, dos eucaliptos, mais sobre todo do esquecemento.

Os colectivos e persoas que abaixo asinamos, reclamamos da Consellaría de Medio Ambiente e Ordenación do Territorio da Xunta de Galiza o inicio do procedemento para a declaración do Pedregal de Irimia como Monumento Natural, consonte ao disposto nos artigos 13 e 24 da Lei 9/2001, do 21 de agosto, de Conservación da Natureza. 

Manifesto e prego de sinaturas PEDREGAL DE IRIMIA

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar