Semente Lugo é umha iniciativa autogestionada e comunitária, se hoje o projeto dumha escola de imersom lingüística baseado nos valores da coeducaçom, a solidariedade e a cooperaçom é umha realidade em Lugo, é graças ao contributo das suas sócias e ao trabalho coletivo.
Porém, o projeto que coletivamente pugêrom em andamento nom se detém aqui, começa um novo tempo para a Semente Lugo no que se devem enfrentar novos desafios. Com este propósito decidirom lançar umha campanha de financiaçom através da plataforma de crowdfunding Goteo.org com o fim de cobrir as necessidades que enfrenta a Semente Lugo relacionadas com a reabilitaçom do edifício da antiga escola de Barbaim: Instalar um sistema de aquecimento eficiente, habilitar o andar de cima para a realizaçom de atividades, garantir o salário da educadora, etc.
Desde a Semente Lugo fazem portanto, um chamamento para a nossa participaçom ativa no desenvolvimento da campanha. Pode-se colaborar de diversas maneiras: ajudando a financiar o projeto, difundindo-o e fazendo chegar à nossa rede de contactos, família, amizades, colegas de trabalho…, e através dos meios dos que disponhamos: redes sociais, telefone, mail, conversas…, a informaçom e a ligaçom do crowdfunding: