As xuntanzas e xestións que mantidas coa deputada Mónica Fernández, serviron para amosarlle a nosa preocupación motivado ao estado de abandono das antigas instalacións de FONDOMAR S.L. nesta zona da Ribeira de Barrallobre, considerando que este espazo podese rehabilitar e destinar para fins deportivos, hostelaría, servizos, sociais e culturais para a cidadanía, ademais dun particular e único valor PAISAXÍSTICO e MEDIO AMBIENTAL.

A posibilidade de rehabilitación deste edificio cotemplaría a finalidade de usos múltiples e zonas destinadas a albergar material de embarcacións tradicionais, naútico- deportivo, espazos destinados para utilización da Confraría mariscadores de Barallobre e a participación cidadá. Este fin posibilitaría unha oferta cultural, deportiva e lecer para a xuventude e cidadanía nos deportes naúticos de remo, vela ou a recuperación das embarcacións tradicionais co obxecto de rescatar a tradición mariñeira.

Coa APROBACIÓN unánime desta iniciativa parlamentaria o colectivo insta as distintas administracións, Concello de Fene, Portos de Galicia –Portos do Estado, Xunta de Galicia que articulen todos os seus mecanismos administrativos públicos en cuestións de saneamento ambiental, rehabilitación e recuperación da Ribeira de Barallobre co obxecto de revitalizar este espazo público.