Publicidade

Diário Liberdade
Domingo, 13 Novembro 2016 12:43 Última modificação em Sábado, 26 Novembro 2016 16:57

'A estória do Apalpador, o carvoeiro mágico do Courel', em livrarias e online

Avalie este item
(8 votos)
País: Galiza / Cultura/Música / Fonte: Diário Liberdade

Pertencem à ediçom de 2011, muito bem sucedida e já quase esgotada.

O personagem do Apalpador, um ser lendário da tradiçom popular galega que no inverno se preocupava por que as crianças pudessem alimentar-se, é protagonista do volume.

Com textos de Diego Bernal e dezasseis desenhos do pintor viguês Manuel Bernal - correspondendo outras tantas págins de texto - a estória recria a lenda deste carvoeiro denominado nalguns pontos da Galiza Pandegueiro ou Apalpa-barrigas e que foi resgatado do esquecimento há uns anos graças ao trabalho do associacionismo cultural galego, nomeadamente da associaçom compostelana a Gentalha do Pichel.

Em palavras do autor Diego Bernal "o livro visa ser um pequeno contributo para a recuperaçom desta formosa lenda de que apenas se tinha constáncia em comarcas de montanha do leste galego, como o Courel ou o Berzo, mas que com certeza tivo que abranger um espaço maior ao que tem hoje". "Graças ao magnífico trabalho de associaçons culturais de base hoje o Apalpador deixou de ser umha estória moribunda privativa de umhas certas regions para se tornar um viçoso património da cultura galega".

Últimos exemplares da ediçom em livrarias e online

Os últimos exemplares da ediçom que em 2011 promoveu o Diário Liberdade, com apoio da AGAL, Fundaçom Artábria, Gentalha do Pichel e o bar O 13, de Compostela, fôrom agora para livrarias em vários pontos do país, como se pode ver no mapa abaixo, e também disponibilizado na loja online do Diário Liberdade (click aqui para encomendar).

A obra estará nos seguintes pontos:

Compostela:

Livraria Couceiro, praça do Pam 6,http://www.librariacouceiro.com/

Livraria Follas Novas, rua de Montero Rios 37, http://www.libreriafonsecadecompostela.es/es/

Numax, cinema e livraria, rua Conceiçom Areal 9, http://www.numax.org/

Corunha:

CS Gomes Gaioso, rua Marconi 9, http://agal-gz.org/blogues/index.php/csggaioso/ 

Livraria Sisargas, rua Curros Enriques 9, http://libreriasisargas.blogaliza.org/

Livraria Suévia, rua Vila de Negreira 32, http://www.librariasuevia.com/

Ferrol:

Central Librera, na rua Dolores 2, http://www.centrallibrera.com/

Ponte Vedra:

Cronopios, rua Frei Joam de Navarrete 5, http://www.cronopioslibros.com/

Vigo:

Livraria Andel, avenida das Camélias 102, http://www.andelvirtual.com/

O Coletivo Editor explica que "queremos que a obra esteja nas livrarias, à vista de pessoas que talvez ainda nom se aproximárom desta figura ou que precisam de umha obra de referência para as e os pequenos da casa".

O Apalpador: tradiçom e modernidade

O Apalpador é um bom exemplo de como a tradiçom cultural pode ser recuperada e mesmo atualizada sem sofrer umha distorçom deformadora. "Umha das cousas que me parece mais interessante da figura do Apalpador é como foi resgatada e adaptada ao século XXI", sublinha o autor, "sem perder a sua essência, o Apalpador nom é só umha tradiçom cultural galega senom o fomento de uns valores frente ao consumismo natalício" lembra Bernal. Assim os presentes que dá o Apalpador, a diferença do Papai Noel ou Pai Natal, nom som comprados senom feitos a mao. "Afinal a criatividade e a solidariedade que definem o Apalpador nascem das entranhas de um povo, o pai natal é um invento de umha multinacional norte-americana, a Coca-Cola" afirma Diego Bernal.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar