Diário Liberdade em campanha de financiamento. Doa e concorra a prémios!
Nom há alternativa a nom ser o povo
O Partido Comunista apela o nosso povo para a organizaçom nas fileiras do Partido contra os inimigos do povo e da humanidade.
Nom temos todos os pormenores do que aconteceu durante a tentativa de golpe que tivo lugar na Turquia durante umhas horas entre os dias 15 e 16 de julho.
Porém, sabemos muito bem que os planos que contam com o apoio de forças estrangeiras, que nom surgem da classe trabalhadora, nom podem derrotar as trevas do AKP e resolver os problemas da Turquia.
Os eventos de hoje lembram-nos mais umha vez a seguinte realidade: Ou o povo da Turquia organizará e dará cabo do AKP, ou as suas políticas reacionárias serám intensificadas, a repressom será incrementada, tal como os massacres, o espólio e a roubalheira.
O único poder que pode derrotar o AKP é o poder popular, nom há alternativa a isso.
O AKP é responsável pol todo o que aconteceu esta noite. Todos os fatores que levárom à siutaçom atual e as condiçons som produto do governo do AKP e dos chefes turcos e estrangeiros que o sustentam.
No entanto, o facto de que o principal responsável partidário seja o AKP nom significa que a tentativa de golpe fosse obra do próprio Erdogan para atingir os seus objetivos de pavimentar o caminho para umha presidência excutiva ou retirar os obstáculos para umha nova constituiçom.
A tensom e as rivalidades entre diferentes grupos no interior do Estado e das forças armadas que sabíamos que existiam numha dada altura tomárom forma de conflito armado. Enquanto a tensom entre essas forças é real, é mentira que qualquer dos bandos do conflito representem os interesses do povo. Assim sendo, procurar a soluçom contra o governo do AKP num golpe militar é um erro, tal como emprestar qualquer apoio ao AKP com a escusa de se posicionar contra o golpe militar por qualquer que for o motivo. O último que deveria ser feito no nome do apoio à liberdade e aos direitos humanos na Turquia é emprestar suporte ao AKP, que tem demonstrado umha e outra vezque é inimigo da humanidade.
Se bem eles nom organizárom o golpe, Erdogan e o AKP farám o possível para utilizar as condiçons resultantes e o apoio que receberem como meios para incrementar a sua legitimidade.
O nosso povo deveria ficar alerta contra os passos que o AKP com certeza dará nos próximos dias. Incrementar a luita contra o AKP e as suas trevas é a única via para deter esta tentativa falhada de golpe, que resultará no fortalecimento do governo do ADP, transformando-se numha ferramenta para converter a instabilidade da Turquia em estabilidade. O facto de todas as mesquitas na Turquia terem transmitido a propaganda de Erdogan durante toda a noite é umha indicaçom concreta da urgência da tarefa que temos em maos.
O Partido Comunista apela o nosso povo para a organizaçom nas fileiras do Partido contra os inimigos do povo e da humanidade.
A libertaçom está nas nossas maos.
Partido Comunista, Turquia
16.07.2016