Apesar do mau tempo, centenas de pessoas participárom no ato público de recebimento de mais um preso galego dos que nas últimas décadas passárom polas prisons de Espanha pola sua condiçom de militantes independentistas.

Coletivos do movimento antirrepressivo galego (Ceivar e Que voltem à casa) organizárom o acolhimento público, que decorreu no Centro Social do Pichel, na capital galega. No ato tomou a palavra Antom Santos, que lembrou os presos e presa que ainda estám no interior dos muros e sublinhou o valor da luita histórica que o Povo Galego vem protagonizando há séculos polo direito à existência.

Outros e outras ativistas de diversos movimentos, um ex-companheiro basco de prisom, assi como a música popular, estivérom presentes no ato, que incluiu o canto coletivo dos hinos patrióticos 'Casta dos Celtas' e 'Os Pinheiros', entre outras músicas.

Como é habitual nestes atos, Galiza Contrainfo filmou e fotografou o ato. Pode ver-se aqui a galeria fotográfica.