O ensino em galego na comarca do Eu-Návia, que atualmente está sob administraçom do Principado das Astúrias, ganha este ano um centro em Anlheu, no município de Návia. Também acontecem melhorias na situaçom existente em Verducido, que passará a contar com professorado formado em galego - até este momento, a matéria era ministrada por docentes doutros idiomas.
Entrentanto, o volume de alunado na comarca mantém-se estável apesar das dificuldades:
O principal problema, o reforço do ensino na normativa deturpada que, sem qualquer base filológica, se baseia na visom do galego do Eu-Návia e o Vale do Íbias como um frankenstein derivado do Asturiano, isolando-o do mundo galego e lusófono.
De um lado, o suposto compromisso da Conselharia de Educaçom asturiana com a generalizaçom do ensino do galego (porém, na sua forma deturpada) na educaçom infantil parece ficar em nada por enquanto. Do outro, tornam-se norma a precarizaçom das equipas docentes através de jornadas parciais e a falta de recursos docentes.
No Vale do Íbias, a outra pequena comarca galega sob administraçom do Principado asturiano, a situaçom é mais preocupante: os escassos espaços que a pressom do espanhol deixa ao galego, som ocupados no ámbito educativo polo Asturiano. Assim, a escola de Luinha está dedicando ao idioma do país vizinho as poucas horas em que o espanhol nom está presente.
Com informaçons de Falaviva.net