Na modalidade de poesía, a galardoada este ano é Rocío Leira Castro cun texto titulado "Desparramar os reloxos", mentres que na categoría de narrativa, a autora recoñecida é Charo Cuba Penabad, pola súa peza "Herdanza". Será a decana do COPG, María Rosa Álvarez, quen fará entrega dos recoñecementos, e as gañadoras serán convidadas a ler as súas pezas ás persoas asistentes.
Neste ano o xurado outorgou cadansúa mención especial en ambas categorías. Na de narrativa foi parar a "Non me lembro do seu nome", escrito por Sandra Cereijo Romero, mentres que na de poesía foi merecedor "Aguias e barcos", por Miguel A. Alonso Fernández.
O acto comezará ás 20:00 horas, na sede do Colexio Oficial de Psicoloxía de Galicia, situado na rúa Espiñeira, número 10 (Baixo), en Santiago de Compostela.