Publicidade

Diário Liberdade
Segunda, 23 Mai 2016 02:13 Última modificação em Segunda, 23 Mai 2016 11:10

iFala: As Irmandades renovam-se e saem à estrada

Avalie este item
(0 votos)
País: Galiza / Língua/Educaçom / Fonte: Praza Pública

Un autobús de dous andares, como os que poboaban as rúas dalgunhas cidades galegas no século pasado, pintado de azul e branco. E dentro, unha exposición e as voces dos Poetarras, de Isabel Risco, do Leo ou de De Vacas. Todos, ao abeiro do colectivo Ora Galega e da área de Cultura da Deputación da Coruña para lembrar as Irmandades da Fala.

Esta combinación de elementos comezou a circular esta fin de semana pola Coruña e Betanzos e sumará, en total, case unha vintena de paradas no mes de xullo. É iFala, a iniciativa que, ao abeiro do centenario das Irmandades da Fala, espallará o "legado" daqueles persoeiros de comezos do século pasado. Lembrando, dende a modernidade do inicio do XXI, a "dimensión e modernidade" da defensa do galego hai cen anos.

A mostra, explica a vicepresidenta da entidade provincial, Goretti Sanmartín, "reproduce a historia desde unha perspectiva moderna e innovadora". Trátase, abonda, de amosar "que o legado das Irmandades está vixente e pode interesar tamén á xente nova". De aí que materiais como o vídeo dos Poetarras que encabeza a exposición, producido por Illa Bufarda, "contaxien o mesmo entusiasmo que levou" á creación das Irmandades.

A "vontade do proxecto", ideado por Ora galega, é "chamar a atención, facer que a veciñanza" das vilas e cidades polas que pase "se achegue á nosa hitoria e descubra que as Irmandades son algo vivo e que, como di a lenda do proxecto, hai fala", ilustra. Nesta liña se expresa tamén Moncho do Orzán, de Ora Galega, grupo do que partiu a declaración do 2016 como ano das Irmandades. A súa "teima", admite, é que "as Irmandades se conmemoren en todo o país".

Así, na exposición itinerante pódese ver unha liña de tempo que comeza nos Mártires de Carral e remata no golpe de Estado de 1936. Dentro do bus hai "información básica" que "se pode completar" coa web e o aplicativo para dispositivos móbiles de iFala. Lecturas públicas ou eventos musicais completan unha iniciativa que, a xuízo do profesor Carlos Quiroga, "fai mozo algo que ten un século pero que mostra unha vixencia alucinante. Ficamos nós mesmos emocionados co proxecto".

Tras A Coruña e Betanzos os seguintes destinos de iFala serán Ferrol (28 de maio) e Santiago (9 de xuño). Lalín, Lugo, Ponteareas, Pontevedra, Ribadeo, Vilagarcía ou Viveiro serán outras das paradas da iniciativa, na que colaboran asociacións culturais, editoriais, dez concellos e dúas deputacións.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar