Será na Corunha, Compostela, Lugo, Ourense, Ponte Vedra, Vila Garcia, Vigo e Ferrol, nesta quarta-feira em horários diversos, de manhá e tarde.
Eis a série de mobilizaçons previstas:
-Corunha: concentraçom no Obelisco às 20.00 horas.
-Santiago: manifestaçom com saída na praça Vermelha às 20.00 horas.
-Lugo: concentraçom na Subdelegaçom do Governo espanhol às 20.00 horas.
-Ourense: assembleia de delegadas/os ás 10.00 horas e concentraçom na Subdelegaçom do Governo espanhol às 11.30 horas.
-Ponte Vedra: assembleia de delegados/as às 10.00 horas e concentraçom na Subdelegaçom do Governo espanhol, ao meio-dia.
-Vila Garcia: assembleia de delegados/as às 10.00 horas e concentraçom às portas dos escritórios do Inem ao meio-dia.
-Vigo: manifestaçom com saída na Dobrada às 20.00 horas.
-Ferrol: cadeia humana no INSS às 11.30 horas.
Mais mobilizaçons na sexta-feira 17 de fevereiro
Já na sexta-feira desta mesma semana, Ponte Vedra, Vila Garcia e a Estrada terám mobilizaçons às 20 horas, na praça da Ferraria no primeiro caso, na Casa do Mar no segundo e na praça do Mercado da Estrada.
As mobilizaçons desta semana dam continuidade às já realizadas recentemente, que tencionam, coincidindo com o novo ano, reativar a resposta nas ruas face à piora evidente das condiçons de vida da classe trabalhadora galega.
A constante deterioraçom dos direitos adquiridos com décadas de luitas está a acontecer sem relevante resistência do povo trabalhador e com passividade das centrais sindicais.
A CIG aspira a reacender a contestaçom social contra a ofensiva da direita, apelando a que a resposta seja também espicaçada por outros sindicais atuantes na Galiza.
Mais informaçom sobre a campanha da CIG no seu site.