Publicidade

Diário Liberdade
Quarta, 22 Fevereiro 2017 04:12

Ataque Escampe apresenta 'Primeiros Bicos' em Compostela

Avalie este item
(0 votos)
País: Galiza / Resenhas / Fonte: Ataque Escampe

Primeiros bicos, sexto LP de Ataque Escampe, pódese escoitar no Bandcamp do grupo e noutras plataformas desde do 14 de febreiro de 2017, e dez días máis tarde, o 24, aparecerá no selo compostelán Discos da Máquina a versión física en vinilo. Ese mesmo día presentarano na Sala Capitol en Compostela, acompañados de Emilio José.

O LP incide na aproximación do pop ás músicas do hemisferio sur, especialmente no plano rítmico, que a banda xa viña traballando nas súas anteriores achegas, O disco vermello (2014) e Noites de agosto con Ataque Escampe (2012). Porén Primeiros bicos, cun son máis cru e próximo ao directo que nunca, marca da casa do produtor Julio Vilariño Cabezas, é sen dúbida o traballo máis intenso e bailable de Ataque Escampe.

Nos textos, baixo unha primeira capa de fraxilidade, latexan os fantasmas do pasado, a celebración da vida con toda a súa crueldade e a constatación, amarga ou mordaz pero nunca nostálxica, de que o tempo pasa. Primeiros bicos, así, recolle os vestixios de enerxía adolescente que os seus autores deron rescatado do fondo das vísceras para arder con eles nun festival de electricidade e emoción.

O disco gravouse no estudio As Gonzalinhas de Bermés, Lalín, entre marzo de 2016 e xaneiro de 2017. A gravación, as mesturas e a masterización estiveron a cargo de Carlos e Alberto Quintá, e o deseño gráfico é obra de David Silva.

Ataque Escampe

«As Ataque Escampe escriben cancións con salsa agridoce. Producen músicas tristes para escenarios con cortina vermella, reverbs torturados e himnos á derrota, pero tamén rock’n’roll para desabrochar as camisas, soul hilarante e, por que non, ruído. Textos amargos que manchan as mans con algo que chamaremos optimismo e a estraña melancolía dun crooner extraterrestre. Arrástranse desde 2007 polos escenarios, electrificándose de a pouco, mudando de formación e deixando constancia do seu paso pola Terra en formato disco. En 2014 recibiron o galardón na categoría indie / pop dos premios Martín Códax da Música».

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar