Com data de 21 de março, "início da Primavera", 58 pessoas assinam um texto em que se denuncia a "montagem policial e judicial iniciada em 2015 contra umha organizaçom política e a sua militáncia", em referência a Causa Galiza, ilegalizada durante meses até a retificaçom, que nom chegou ao processamento efetivo dde 9 dirigentes da organizaçom, que continuam sob processo da Audiência Nacional espanhola.

A preocupaçom polas liberdades democráticas e o continuísmo do regime judicial espanhol em relaçom à ditadura, som apontados como caraterísticas de um regime que nom recoonhece o direito a trabalhar pola construçom nacional galega.

O manifesto pede também o fim dos operativos repressivos que periodicamente caem sobre diversos sectores do soberanismo galego e a abertura de um debate livre, aberto e plural de ideias e perspetivas para o nosso país. Também convoca umha manifestaçom para o dia 23 de abril em Compostela para reivindicar os princípios expostos no referido texto.

Entre as primeiras pessoas assinantes, encontram-se ativistas de diversos movimentos sociais, culturais, políticos, sindicais, feministas... ficando aberta a adesom doutras pessoas, acima das duas centenas na altura de redigirmos esta informaçom. Pode-se consultar a lista e assinar o Manifesto neste link.